BURELA (FNC) .- A praza de abastos de Burela acollerá a partires das sete desta tarde un novo encontro dos socios do Banco de Tempo.
A técnico Vanesa Rodríguez sinala que “no local que alí ten o Concello imos facer unha xuntanza de entroido cos socios do Banco de Tempo para xuntarnos e para cambiar impresións sobre as actividades que realizan. Será unha merenda na que cada un aportará o que queira, uns levarán rosquillas, outros levarán orellas e outros doces típicos do entroido. É unha maneira sinxela para xuntarnos, falar e coñecernos máis. Nesta ocasión tamén estarán os nenos da Cruz Vermella, é outro xeito máis de relacionarnos”.
A crecemento do Banco de Tempo de Burela “vai pouco a pouco porque é complicado. A xente ten ocupado o seu tempo con traballo e con actividades de lecer, pero pouco a pouco imos conseguindo contar con novos socios e eu estou moi contenta por este motivo”, explica Vanesa Rodríguez. A técnico de Banco de Tempo explica que “os membros do Banco intercámbianse de todo, van buscar receitas médicas, axudan ás persoas maiores, lévanlle a compra ás persoas que non poden saír da casa, están dispostos a cumprimentar impresos administrativos á xente maior que non sabe facer isto, un dos nosos socios estanos a impartir un curso de informática… son cousas moi variadas”.
Vanesa Rodríguez anima “aos veciños de Burela a unirse a este Banco de Tempo, é unha experiencia bonita… hai moita xente neste momento que precisa axuda, é unha boa forma de relacionarse porque hai moita xente que non sae da casa, que non se preocupa por facer cousas… aquí estamos tentando facer un curso de ioga en breve totalmente gratuíto. Penso que o Banco de Tempo é tamén unha forma de comunicación”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
