CERVO .- O alcalde de Cervo, Alfonso Villares, amosou o seu malestar ante constatación de que o Psoe ten convertido “o insulto, a descualificación persoal e a crispación” en estratexia de oposición.
Segundo Villares, os “insultos” da voceira socialista criticándoo por querer coñecer de que xeito están a afectar as obras de mellora da estrada Vilastrofe-Burela nos vías de competencia municipal “son o reflexo da súa falta de democracia e de educación política”. Valorou de “carentes do mínimo respecto á institución á que represento” as expresións vertidas por Méndez nos medios de comunicación e lembroulle que os alcaldes, “como cargos públicos e máximos representantes de todos os veciños dun municipio”, están facultados para inspeccionar calquera tipo de obra que atinxa aos bens e ao patrimonio do concello.
Na súa opinión, as manifestacións da representante socialista só buscan crispar “e enrarecer” á opinión pública e lémbralle que non é necesario chegar aos insultos personais para defender as posicións políticas”.
“Se pensa -afirmou aludindo á voceira do Psoe- que vou deixar de preocuparme para que as obras públicas no meu concello se fagan ben, está moi equivocada porque non so teño dereito, se non a obriga de velar en todo momento para que os intereses do conxunto dos cervenses, incluído os dela, non sexan violados. Pensaba que era algo básico que xa debería saber, pero polas súas manifestacións vexo que non é así e non está de máis que llo recorde”, dixo.
O rexedor cervense reiterou así mesmo que o escrito remitido ao ente provincial coas deficiencias das obras da estrada Vilastrofe-Burela refírense “exclusivamente” a eivas relacionadas con vías de titularidade municipal. “Foi feito con ánimo construtivo para que a Deputación as tivera en conta e poder así arranxalas antes de que a obra quedara finalmente rematada”. Ademais, lembrou que nas súas declaracións públicas ao respecto felicitouse pola conclusión da obra “e salientei que fora unha actuación onde dous gobernos provinciais de distinta cor política contribuíron na súa materialización” recordou.
“En todo caso -asegurou Villares- nesta obra os que careceron de calquera tipo de respecto institucional foron os representantes políticos da Deputación, xa que en ningún momento se dirixiron ao Concello para informar do que tiñan programado facer e como o ían a desenvolver. Por iso, como máximo representante do pobo, e ante a carencia de respecto institucional, teño que ver, cos técnicos do meu concello, como se desenvolven estas estas ou calquera obra que se faga no termo municipal”.
Maquinaria da Deputación
Alfonso Villares tamén se referiu ás criticas de Méndez sobre as zonas elixidas polo Concello para que a maquinaria da Deputación desenvolva os seus traballos dentro do termo municipal. Para o alcalde, as declaracións a este respecto da socialista “déixana en evidencia” e amosan “que está máis preocupada por que os veciños vexan as máquinas da Deputación que polo traballo que están facendo”.
“A motoniveladora provincial que temos estes días no concello está facendo traballos en pistas forestais como sempre fixo cando dispuxemos dela e son traballos que este concello agradece. Outra cousa moi distinta é o que pretendía esta señora, que xa o primeiro día que chegou coa maquinaria non se lle ocorreu máis que meter a motoniveladora sen previo aviso nunha pista municipal da parroquia de Castelo e estragou o muro dun particular que despois tivo que arranxar o Concello” dixo.
Por último, o alcalde de Cervo asegurou que o equipo de Goberno local continuará traballando para que no termo municipal se executen máis obras públicas que redunden en beneficio do concello “e pese a quen lle pese, seguiremos a ser todo o escrupulosos e rigorosos que haxa que ser para que esas obras se fagan ben, porque para iso nos elixiron os veciños
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
