RIBADEO (FNC) .- O alcalde de Ribadeo, Fernando Suárez, valora de xeito positivo que a Xunta aposte polo porto comercial de Ribadeo como punto de interés estratéxico. O presidente de Portos de Galicia confirmou este mediodía en Ribadeo que non se fará a nave cuberta na ría.
O rexedor e o presidente de Portos estiveron “supervisando as obras que se están a realizar tanto na zona comercial como na deportiva. Hai que lembrar que houbo dúas actividades económicas ás que un talude se lles veu enriba hai meses, unha delas desapareceu por completo e a outra está nunha situación moi precaria. Eu pedinlle ao presidente de Portos de Galicia que axilice as obras de reconstrucción destas naves para que poidan desenvolver con normalidade as actividades empresariais que viñan realizando. Él foi sensible a este plantexamento e comprometéuse a axilizar esta cuestión ao máximo e a ver si é posible que o mes que ven dean comenzo as obras”.
Suárez Barcia engadiu que “á marxe desta cuestión gustaríame destacar e valorar de xeito moi positivo as palabras, e ogallá sexan máis que palabras bonitas, do presidente de Portos de Galicia sobre as intencións para o porto de Ribadeo de seguir apostando por él, de seguir potenciándoo, sobre todo nestes ámbitos que deron que falar hai un tempo e relativos a que porto comercial de Ribadeo siga a ser un porto principal de saída de pasta de papel da factoría que Ence ten en Navia”. O alcalde suliñou que “o presidente de Portos indicou que están estudiando diferentes actitudes para que a oferta do porto comercial de Ribadeo siga a ser a mellor desde o punto de vista económico para que a pasta de papel siga salindo por aquí, ao mesmo que tempo que descartou voltar ás andadas coa construcción daquela infausta terminal de carga e descarga, aquel edificio inmenso duns 27 metros de altura, que era unha especie de paraugas permanente para que os barcos puideran descargas as 24 horas do día. Está demostrado que non se perde máis do 5% de horas de traballo ao ano por cuestións climatolóxicas”.
Gran capacidade do porto ribadense
O rexedor ribadense insistiu en que “o porto de Ribadeo hoxe, onte e mañá ten unha capacidade de carga moi superior ao que está actualmente traballando. Decímolo desde Ribadeo, con coñecemento de causa, o noso porto pode procesar toda a ampliación de pasta de papel que poida vir desde Ence. Si a eso lle sumamos que hoxe e no futuro Ribadeo é o porto máis cercano a Ence, en custe económico de transporte segue a ser o máis operativo e o máis barato, si lle unimos tamén que Portos de Galicia estudiará a posibilidade de ofrecer unhas taxas máis baixas, penso que será unha proposta que non se poderá rexeitar”.
Fernando Suárez tamén se referiu a FEVE “algo do se ten falado desde a outra banda da ría, e aquí tamén podemos ser moi operativos neste sentido. Temos unha parcela de aproximadamente unha hectárea a carón do polígono industrial de Ribadeo que limita coa vía férrea e que está ao pé do nudo da circunvalación que vai dar ao porto comercial. Alí poderíase facer unha terminal para que Feve acopie e procese a carga que puidese vir por vía férrea a Ribadeo”.
O alcalde comentou ademáis que “non hai quen compita con Ribadeo en canto á loxística no proceso de transporte de pasta de papel na que é fundamental a mínima manipulación, dado que en tempo real poden cargar en Navia e descargar xa na bodega do barco aquí en Ribadeo sen máis manipulación. Algo co que difícilmente pode competir o porto de Xixón”.
Dumping
Suárez Barcia suxírelle ao presidente de Portos de Galicia “de boa fé e con ánimo de colaboración que a Xunta vixíe. Estamos a falar de empresas privadas e debemos desde Galicia acondicionar os nosos portos e as nosas capacidades para ser atractivos para atraer inversión, pero debemos vixiar que outros gobernos autonómicos non fagan prácticas de dumping que están perseguidas polo Tribunal de Competencia, porque moito nos tememos que todo esto sexa unha práctica para poñer en valor o porto comercial de Xixón que non ten carga de traballo dabondo e por iso prefira que o goberno autonómico asturiano subvencione a unha empresa privada para que lle sexa rentable. De aí que o goberno galego deba mirar ese aspecto para que eso non se dea porque o dumping nin aquí, nin nos hipermercados, nin nos comercios está permitido, é dicir vender a prezo máis baixo do custe, e a administración pública non pode entrar nestas prácticas de dumping”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
