LUGO .- O Centro de Artesanía (CENTRAD), dependente da Deputación,facilitará ós artesáns 7 variedades de vimbio únicas en Galicia. No CENTRAD estase celebrando un obradoiro pioneiro en Galicia sobre a poda, talla, e clasificación de vimbio.
Nota de Prensa
O Centro de Artesanía e Deseño facilita ós artesáns 7 variedades de vimbio únicas en Galicia
O CENTRAD celebra unha xornada pioneira na Comunidade sobre a poda, talla,
e clasificación deste arbusto
O Centro de Artesanía e Deseño, dependente da Deputación, celebra dende este luns e ata o venres, un obradoiro pioneiro en Galicia sobre a poda, talla, e clasificación de vimbio. É unha xornada na que os artesáns aprenden a tratar este arbusto para logo confeccionar cestos. Para elo, o CENTRAD pon a súa disposición unha plantación de 200 metros cadrados onde se atopan variedades de vimbio únicas na Comunidade, que só se cultivan en algunhas zonas de Cataluña e Castela A Mancha, e nalgúns casos, excepcionalmente en Francia e Inglaterra.
A Deputación conta cunha finca no Paseo do Rato onde se plantan exclusivos tipos de vimbio. Durante este xornada, os participantes pódano, e clasifícanno por cores e tamaño para, logo de que sequen, elaborar selectas pezas de cestaría.
En Galicia, a excepción deste obradoiro, non hai ningún curso onde se ensinen estas prácticas. Deste xeito, o organismo provincial aforrar cartos ós artesáns ó formalos para logo poder traballar unha plantación de vimbio propia, e ó facilitarlles un material que terían que mercar fóra da Comunidade.
Da mesma forma, o Centro de Artesanía e Deseño celebra un obradoiro de cerámica onde se imparten clases sobre o modelado a man de pezas decorativas e escultóricas. Trátase dun curso que comezou o pasado 1 de febreiro, e que se prolongará ata o vindeiro 22, no que están a participan unhas 10 persoas.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
