RIBADEO (FNC) .- O Concello acollerá o vindeiro 18 de febreiro a presentación oficial do polígono industrial de Ribadeo. Ao acto acudirán, ademais do alcalde, técnicos de SEPES e do IGAPE co obxectivo de facilitar información ás empresas que desexan instalarse neste parque empresarial.
Fernando Suárez sinalou hoxe que “afortunadamente seguimos coa tramitación do polígono industrial de Ribadeo, encarando a fase final de construción e estamos iniciando unha nova que é a de comercialización previa. Por este motivo o vindeiro xoves ás 20:30 horas aquí na Casa do Concello no salón de plenos faremos unha presentación ou explicación pública do que será este polígono, as súas parcelas, os prezos, as súas dimensións, as condicións de financiamento… No acto contaremos coa presenza dos técnicos de SEPES, a empresa que depende do Ministerio de Vivenda e que está a promover este polígono industrial de Ribadeo, e tamén virán representantes do IGAPE, dado que nos parece moi importante que xunto coas condicións de prezo e de financiamento que estableza SEPES tamén queremos acompañar a coordinación doutro tipo de subvencións, de incentivos ou de subvencións a fondo perdido por parte deste instituto”.
Desde o Concello “estamos a enviar cartas a veciños e empresarios de Ribadeo, da comarca tanto da Mariña luguesa como do Occidente asturiano para que veñan ter información de primeira man sobre un dos polígonos máis interesantes, mellor conectados, máis atractivos da zona e que conta con servizos de última xeración”. O alcalde de Ribadeo confía en que “poida vir bastante xente a este primeiro acto de comercialización, xa que hai moito tempo, desde que empezou a construcción do polígono, que é sistemático que cada semana veña xente ao Concello a preguntar pola venda de parcelas e as condicións que van ter. O día 18 explicaremos con todo luxo de detalles os aspectos económicos e técnicos para poder adquirir unha parcela no polígono industrial de Ribadeo”.
En total o polígono industrial de Ribadeo conta con 12.000 metros cadrados para 14 parcelas adosadas de entre 500 e 1.300 metros cadrados. Hai 54.522 m2 para a industria media aillada de 1.300 a 3.000 m2, neste caso son 30 parcelas. E 48.755 metros cadrados que ocuparán 11 parcelas para industria xeral illada de máis de 3.000 m2.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
