Daniel Castro retrata a “absoluta vergoña” dun proxecto que comezou en 2001 prometido como autovía e remata en 2026 cunha vía convencional e un cuarto do orzamento
Santiago de Compostela, 25 de febreiro de 2026. O deputado do Bloque Nacionalista Galego, Daniel Castro, denunciou no Parlamento o que cualificou como “a absoluta vergoña” da xestión da variante de Viveiro por parte da Xunta, nunha intervención na que acusou ao PP de concibir a política “como un favorciño” e de tratar á cidadanía “como algo servil”.
O deputado nacionalista fixo un repaso polas promesas incumpridas que se arrastran desde 2001: “Isto vén de moi lonxe: en 2007 ía estar lista, despois en 2011, logo en 2014, logo en 2017… Agora veñen dicir que en 2028 comezarán a construír unha estrada convencional, sinxela, sen desdobramento, e que casualmente contempla só unha cuarta parte do orzamento inicial. Non colou, non convenceron a ninguén”, afirmou.
Castro dirixiuse directamente á conselleira para cuestionar se a Xunta vai “enterrar definitivamente” o proxecto da VAC Costa Norte, tal e como parece. “Queren contentar a xente cunha estrada normaliña? Estannos a dicir que o que Aznar comezou en 2001 prometendo unha autovía, que Fraga rebaixou a vía de alta capacidade, Rueda remátao en 2026 cunha estrada convencional? En que vai acabar isto? Nun carreiro?”, ironizou.
O deputado reprochoulle á conselleira que falar hoxe de “viabilidade” é unha escusa fóra de tempo. “Se estivésemos en 2003, cumpría estudar outros proxectos, pero estamos en 2026. Non me pode falar de viabilidade 25 anos despois. Isto é unha absoluta vergoña”. Finalmente, demandou que se aclare o futuro do resto da vía: “A variante non remata en Viveiro, segue cara a O Vicedo e chega ata Ortegal. Que vai pasar? Van enterrar todo?”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
