LUGO .- A Biblioteca Provincial de Lugo acolleu hoxe o acto de entrega de premios do XVI Certame provincial de poesía sobre o Nadal así como a presentación da publicación que recolle os traballos premiados na edición do pasado ano.
A delegada territorial da Xunta, Raquel Arias, valorou o traballo creador de todos os participantes, e especialmente dos gañadores, así como o impulso que cada ano imprime a Biblioteca Provincial de Lugo a este certame “e o feito de que 22 bibliotecas públicas municipais sintonizasen coa convocatoria e fixesen cadansúa chamada local para rapaces e rapazas das súas circunscricións”.
Os rapaces e rapazas recolleron os seus premios –consistentes nunha figura de Sargadelos, diploma e un lote de libros- de mans da delegada territorial e dos membros do xurado: O xefe territorial de Cultura, Xosé Carlos Rodríguez Andina; Jaime Santoalla Varela, inspector de Educación, e a directora da Biblioteca Provincial, Marisol González Regal.
Tamén tiveron a súa cota de protagonismo os gañadores da pasada edición, cuxos poemas conforman o último libro da serie Os nenos e o Nadal. “Este libriño que hoxe ve a luz, con dezaoito traballos, e o futuro libro do próximo Nadal, con 16, son auténticas pezas mestras que deberán figurar en todas as antoloxías que o día de mañá rexistren a vosa evolución como escritoras e escritores de prestixio”, sinalou a delegada.
Raquel Arias agradeceu o esforzo de cantos concorreron á presente edición do certame, “pero tamén quero amosar o agradecemento e felicitacións aos pais que animan aos mozos escritores, aos mestres e bibliotecarios que fomentan esta afección, e aos xurados que teñen a difícil tarefa de elixir os mellores traballos”.
Relación dos premiados
Os premios deste ano chegaron a puntos moi diversos da provincia. Así, na categoría de nenos e nenas de ata 8 anos os gañadores foron Judith Rodríguez Gasalla, da biblioteca da Pastoriza, Elena Vilela Vázquez, da de Sarria, e Carmen Mato Maseda, de Vilalba. O xurado acordou conceder ademais dous accésits para Aldara Pozo Rodríguez e Xiana Rego Fernández, da Pobra de Brollón e Mondoñedo respectivamente.
Polo que respecta á categoría de nenos e nenas de entre 9 e 11 anos, resultaron gañadores Laura López López, de Sarria, Adrián Estraviz Cerdeira, da Biblioteca Provincial –na capital lucense-, e Macarena Ledo Vázquez, de Burela. Así mesmo, recibiron accésits Paula Vázquez, tamén de Burela, Anxela Jorge Vidal, de Sober, e Javier Fernández Arruñada, de Foz.
Por último, na categoría de participantes de entre 12 e 16 anos, o xurado premiou os traballos de María Elena López González, de Sarria, Brenda González Fernández, da Biblioteca Provincial, e Laura Claro Tellado, de Burela. Os accésits foron para Vanessa López Gómez, de Ribadeo, e Amara Chao Durán, de Burela.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
