LUGO .- O Presidente da Deputación, José Ramón Gómez Besteiro, recibiu este mércores no Pazo de San Marcos ós lucenses Luis Tosar, gañador do Goya ó Mellor Actor, e a Julio Férnandez, Produtor e Presidente de Filmax, empresa audiovisual que se fixo cargo da distribución de Slumdog Millionaire, Mellor Película Europea destes galardóns.
Deste xeito, Luis Tosar e Julio Fernández, veciños de Cospeito e A Fonsagrada respectivamente, firmaron no Libro de Ouro da Deputación. Gómez Besteiro impúxolles ademais ás Insígnias de Ouro da provincia, distintivos honoríficos en recoñecemento ós seus traballos.
Deceas de alumnos da Escola de Imaxe e Son da Fundación TIC, dependente da Deputación, e un gran número de medios de comunicación, acudiron á presentación pública do actor e do produtor. Durante á súa intervención, o máximo mandatario provincial fixo fincapé nas súas traxectorias profesionais, e incluso apuntou exclusivas anécdotas acontecidas durante a rodaxe de Celda 211 e nos inicios das súas carreiras en Lugo.
Pola súa banda, Julio Fernández agradeceulle ó Presidente ó galardón recibidos, e subliñou que “é un honor ser de Lugo e facer cine”. Da mesma forma, Luis Tosar salientou que “é un orgullo que a miña terra, onde comezei a miña andadura profesional, recoñeza o humilde traballo dun lucense”.
Recentemente, o Presidente da Deputación tamén recibiu ós lucenses María Hervera, guionista de Garbo, el hombre que salvó al mundo, Mellor Película Documental nos Goyas 2010; e a Arturo Vaquero, nominado á Mellor Canción Orixinal por Agallas versus Escamas nestes premios. Deste xeito, os catro lucenses partícipes na edición XXIV dos Goyas visitaron o organismo provincial logo da invitación de Gómez Besteiro.
Traxectoria profesional
Luis Tosar naceu en Xustás, no Concello de Cospeito. Comezou no campo das curtametraxes pero saltou á fama pola súa presenza na serie Mareas Vivas. Traballou con directores como Vicente Aranda, Jaime Chavarri, Gonzalo Tapia, Fernando León de Aranoa, Antón Reixa…etc. Recibiu, entre outros galardóns e recoñecementos, 3 Goyas: Mellor Actor de Reparto por Los Lunes al sol (2003); Mellor Actor por Te doy mis ojos (2004); Mellor Actor por Celda 211 (2010).
Julio Fernández naceu na Fonsagrada, e está considerado como un dos artífices da nova era da industria audiovisual en España. É Produtor e Presidente de FILMAX ENTERTAINMENT, unha das principais empresas do sector audiovisual de Espana. Ademais, é membro da Academia das Artes e das Ciencias Cinematrográficas de España; do Colexio Profesional de Audiovisual de Cataluña; da Federación de Asociacións de Produtors Españois; Conselleiro do Xunta Directiva de EGEDA
–Entidade de Xestión de Dereitos dos Produtores Audiovisuais-; Presidente de Honor do Cluster do Audivisual Galego…etc
Entre outros galardóns, logrou 3 Goyas: Filmax distribuiu a película Slumdog Millionaire, gañadora do Goya á Mellor Película Europea (2010); creou Nocturna, filme gañador do Goya á Mellor Película de Animación (2008); e fixo ademais Pérez, el ratoncito de tus suemos, traballo que tamén acadou o Goya á Mellor Película de Animación.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
