SANTIAGO .-No que vai de ano realizáronse 17 operativos conxuntos nos que a Unidade de Policía Adscrita (UPA) completou o labor de Gardacostas en materia de furtivismo. Neste tempo incautáronse de máis de medio milleiro de útiles empregados polos furtivos
REFERENCIA
A POLICÍA AUTONÓMICA CONTRIBÚE Á MELLORA DOS RESULTADOS DE GARDACOSTAS NA LOITA CONTRA O FURTIVISMO
?? No que vai de ano realizáronse 17 operativos conxuntos nos que a UPA (Unidade de Policía Adscrita) completou o labor de Gardacostas estimulando o labor preventivo da estratexia da Xunta de Galicia en materia de furtivismo
?? No que vai de ano incautáronse de máis de medio milleiro de útiles empregados polos furtivos
As consellerías de Presidencia, Administracións Públicas e Xustiza e do Mar salientaron hoxe os excelentes resultados que está a dar a colaboración prestada pola UPA ao servizo de Gardacostas no traballo conxunto para a erradicación do furtivismo no litoral galego. Ambas as consellerías presentaron ante Consello da Xunta un informe de balance sobre a actividade común que levan a cabo estes departamentos para a prevención e a loita contra o furtivismo, un problema que afecta tanto o sector pesqueiro como aos propios recursos mariños e ao ambiente da Comunidade.
Para incrementar a loita contra esta problemática e facela máis efectiva, a Xunta potenciou a intervención da Unidade de Policía Adscrita a Galicia (coñecida como Policía Autonómica) nos dispositivos de loita contra o furtivismo e marisqueo ilegal, en colaboración cos servizos de vixilancia pesqueira, de tal xeito que xa se están a recoller os froitos de potenciar esta colaboración.
Así, os resultados do informe desvelan que, a través destes operativos especiais, se constata un reforzo en comisos e incautacións. Nestas 17 intervencións conxuntas comisáronse un total de 1.800 quilos de especies e aprehendéronse un total de 508 útiles entre os que cabe destacar 2 camións, 8 lanchas ou 60 nasas, entre outros.
Ademais, identificáronse máis de 400 persoas, foron denunciadas 125 delas e houbo tres detidos por atentado e desobediencia.
Os resultados dos 17 dispositivos conxuntos entre Policía Autonómica e servizos de vixilancia pesqueira véñense a sumar ao resto de operacións levadas a cabo por Gardacostas, Seprona ou os gardapescas. Estes operativos traducíronse nun incremento substancial do respecto que os furtivos manifestan aos axentes da Consellería do Mar grazas á presenza do persoal policial evitando que o labor de control de Gardacostas derive en problemas de orde pública.
Coa colaboración prestada polos 22 axentes da UPA aos axentes de Gardacostas, recupérase o apoio que a Policía Autonómica deixara de levar a cabo desde 2005 en materia de furtivismo e marisqueo ilegal. Indo máis aló, este persoal reforzouse desde comezos deste ano cunha formación específica en intervención e coa potenciación do grupo de Equipo de Resposta Policial, que completa o labor que a propia Policía Autonómica realiza de xeito ordinario a través dos seus grupos de investigación en materia de prevención e control do furtivismo e o marisqueo ilegal, radicados nas distintas comisarías da Unidade de Policía Adscrita.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
