RIBADEO (FNC) .- O alcalde, Fernando Suárez, convocará nos vindeiros días un encontro co sector hostaleiro para falar dos horarios de peche dos pubs e dos límites que non debe rebasar o volume da música. O rexedor así llo fixo saber esta mañá ao subdelegado do Goberno, Xosé Vázquez Portomeñe, na reunión que mantivo a Xunta Local de Seguridade. Un encontro no que tamén se falou do tráfico na praia de As Catedrais.
Suárez Barcia explicou que “analizamos as consideracións a ter novamente co asunto do tráfico nas Catedrais para que non haxa problemas. O ano foi bastante bó e ademáis se están a facer xestións importantes desde a Delegación do Goberno, desde Costas e desde a Deputación Provincial de Lugo e o Concello. Agardemos que dentro de pouco lle podamos dar unha solución definitiva a esa aglomeración de tráfico sobre todo durante a época estival, pero de momento temos que traballar co que hai”.
O rexedor comunicóulle ao subdelegado “a situación que temos en Ribadeo, e que él realmente xa coñece, co ruido nocturno. Díxenlle que eu non tiña outra vontade que aprobar unha ordenanza que inicialmente non tiña cuestionamento nin rexeitamento social, pero que foi desestimada polo pleno o luns. Pero logo a realidade é teimuda e temos unha serie de problemas, uns que temos desde hai moito tempo, como a sentencia que nos condea a pagar unha cantidade mensual a un particular ata que esto non se resolva. E tamén lle presentei un dos escritos varios que recibo habitualmente, de xente que vive no casco vello e que de maneira expresa me fai chegar a súa preocupación por ver como en horas intempestivas pola mañá entre as 7 e as 10 hai discusións na rúa, hai música nalgúns establecementos e apelan á miña responsabilidade como alcalde para que faga cumprir a lei de cara a que todo o mundo poida traballar e o resto dos que non traballan poidan vivir”.
O alcalde de Ribadeo dixo que “a xulgar polo que polos medios me entero de que parte do sector quere que as forzas da orde actúen, entón o que lle pedín ao subdelegado é maior colaboración e supoño que non haberá problema. E o que eu vou facer é convocar unha xuntanza co sector nos vindeiros días para dialogar co ánimo de que estes establecementos cumpran cos horarios de peche e cos límites dos ruidos ou senón terán enfrente á Policía Local e á Garda Civil, porque insisto o Concello está condeado desde hai tempo e de seguir así estes escritos que lle chegan ao alcalde poden acabar dexenerando en que o Concello sexa condeado novamente nunha magnitude impensable e eu como alcalde teño a responsabilidade de evitar que eso ocorra”.
Fernando Suárez suliñou que “recollo o guante e convocarei aos representantes deste sector para tentar dialogar os horarios de peche, os límites da música e desde logo o que é intolerable e que non pode haber nin ás seis, nin ás sete, nin ás oito, nin ás nove, nin ás dez da mañá locais con música, eso non pode ser”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
