RIBADEO (FNC) .- O presidente de ACISA e do CCA de Ribadeo, Gervasio Cao, reclama que a opinión do sector hostaleiro se teña en conta na elaboración da ordenanza contra a contaminación acústica e ofrécelle diálogo ao Concello. A Cao parécelle lóxico que a norma non saíse adiante no pleno da Corporación Municipal celebrado onte.
Gervasio Cao sinalou que “houbo e está habendo boa colaboración entre o CCA e o Concello de Ribadeo, pero mostro a miña preocupación por algo comentado no pleno de onte polo alcalde, que facía referencia a que non sabía nada dos empresarios nos últimos tres anos en relación á ordenanza sobre o ruido. Hai tres meses e medio preguntamos qué pasaba con eso e díxosenos que non había absolutamente nada, por eso amoso a miña preocupación porque se fagan eses comentarios nun pleno. Creo que a sorpresa de varios asistentes foi patente, independemente da xerente había no pleno socios do CCA e hoxe os teléfonos non deixaron de soar. Entendo que foi un lapsus e con eso me quedo, pero a sorpresa teño que manifestala, porque detrás estanme pedindo contas”.
Sobre o desenvolvemento do pleno celebrado onte no Concello o presidente de ACISA/CCA dixo que “eu non estaba, creo que polo que me contan houbo bastante desencontro tanto políticamente como entre os asistentes, creo que se montou algo de bulla, por decilo dalgún xeito; pretendeuse retiralo e creo que as circunstancias o pedían claramente. O resultado do pleno paréceme moi lóxico e moi coherente, independentemente de que ese documento estivese no caixón durante tempo, que parece que sí e ninguén tirou del, creo que antes de levalo a pleno precisamente tendo en conta o entendemento que hai, que imos da man en moitas cousas nosoutros somos unha sociedade que representamos a 150 empresarios de Ribadeo, moitos deles de hostelería”. Gervasio Cao manifestou que “a rúa conflictiva está dentro do programa do proxecto de centro comercial aberto como unha rúa a potenciar comercialmente, da que se falou nas comisións recientes, como elemento de conexión do porto co centro da vila. Entonces que é unha zona residencial é certo, pero obviamente toda a vida foi compatible coa actividade comercial, cremos que debe seguir sendo compatible co desenvolvemento comercial de todo tipo que permitan as ordenanzas actuais e futuras”.
O responsable de ACISA e o Centro Comercial Aberto de Ribadeo suliñou que “como persoa que noutros tempos, hai moitos anos, debateu sobre os ruidos, creo que si se traballa con este sector atrévome a decir publicamente que si se traballa con el é un sector que está disposto a tomar medidas. Como asociación de empresarios comprometémonos a elo e estou seguro de que se pode lograr que se cumpran as ordenanzas e que si se queren modificar debemos debatilo, falalo, así debe ser. A idea de retomar este tema paréceme positiva e si se nos permite así o faremos”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
