Nota de Prensa
Presentará unha batería de iniciativas, tanto nos plenos municipais como no Parlamento de Galicia e o Senado para que o Executivo socialista central adxudique de xeito urxente o gasoduto da Mariña, compromiso que incumpre desde o ano 2008
O PARTIDO POPULAR BUSCA FORZAR AO GOBERNO CENTRAL A DESBLOQUEAR A CHEGADA DO GAS NATURAL
AOS CONCELLOS DA MARIÑA LUCENSE
* “As familias e as empresas desta comarca tamén teñen dereito a dispoñer da enerxía do futuro: o gas natural; máis barato, máis limpo, máis seguro e máis práctico que os combustibles actuais” –sentenciaron os deputados Balseiro e Álvarez Chao
* A senadora Gueimunde esixe saber os motivos polos que se está adiando esta infraestructura vital para a economía da comarca e reclamará ao Executivo socialista que concrete prazos.
Burela, 31 de marzo de 2010.- O Partido Popular busca forzar ao Goberno central a desbloquear a chegada do gas natural aos concellos da Mariña lucense, para iso presentará unha batería de iniciativas, tanto nos distintos plenos municipais como no Parlamento de Galicia e o Senado a través das que instará ao Executivo socialista central a adxudicar de xeito urxente o gasoduto da Mariña, un compromiso que o Goberno de Zapatero incumpre desde o ano 2008.
En rolda de prensa, celebrada no día de hoxe, os deputados autonómicos Jose Manuel Balseiro Orol e Emma Álvarez Chao explicaron que as familias desta comarca tamén teñen dereito a dispoñer da enerxía do futuro –en referencia ao gas natural-. “Non podemos nin queremos resignarnos a que A Mariña lucense perda de novo un servizo, como consecuencia dos recortes e a falta de compromiso do Goberno socialista central”-concluíron.
MÚLTIPLES VANTAXES
Entre as múltiples vantaxes desta nova fonte de enerxía está que é moito máis barato que os combustibles empregados na actualidade; máis limpo, pois reduce considerablemente as emisións negativas para o medio ambiente; máis seguro, pois o gas natural non é tóxico, é inodoro, incoloro e un 65% máis lixeiro o que o aire o que permite que se disipe rapidamente diminuíndo a posibilidade de combustión; e máis práctico, pois pode ser distribuído a través de sistemas de tubaxe o que garante un servizo continuo e eficiente.
INCUMPRIMENTOS SOCIALISTAS
Balseiro e Álvarez Chao lembaron que o gasoduto, incluído na planificación estatal dos sectores do gas e a electricidade 2002-2011 cunha categoría A (o que xustificada a súa viabilidade técnica e económica e polo tanto a súa prioridade de execución), aínda non se puxo en marcha, cando as previsións do Executivo apuntaban ao 2008 como o ano en que deberían estar adxudicadas as obras de construción.
Os parlamentarios autonómicos subliñaron que o director xeral de Industria, Enerxía e Minas da Xunta de Galicia, en comparecencia na Comisión 6ª de Industria, enerxía, comercio e turismo do 12 de Marzo do 2010, na Cámara galega, asegurou que mantivo contactos co Estado –o último o pasado 11 de Novembro- dos que obtido o compromiso de rematar cos obstáculos de tipo xurídico que impedían a adxudicación definitiva da rede de distribución de gas na Mariña. Malia todo a devandita promesa tampouco se cumpriu polo que en xaneiro deste mesmo ano a Xunta remitiu unha carta ao Ministerio recordándolle os compromisos adquiridos para con esta infraestrutura, da que aínda se agarda contestación.
SENADO: PREVISIÓNS E PRAZOS CONCRETOS
Na rolda de prensa tamén deron conta das iniciativas impulsadas pola senadora María del Carmen Gueimunde quen esixe saber os motivos polos que se está adiando esta infraestrutura vital para a economía da comarca. Con este reclamára na Cámara baixa ao Executivo socialista que concrete prazos e que confirme se o proxecto sigue nos plans estatais do Goberno.
Gueimunde quere saber cales son as previsións do Goberno para este exercicio en relación a esta infraestrutura e recorda que concellos como Ribadeo, Barreiros, Foz, Burela, Xove e Viveiro –beneficiaros da primera fase de implantación- a consideran estratexicamente moi relevante. “O gasoduto non só achegaría aos fogares da bisbarra as vantaxes dun combustible máis seguro e menos contaminante, senón que resultaría esencial para grandes empresas asentadas na zona como a multinacional ALCOA”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
