BURELA . O alcalde de Burela viaxará mañá a Santiago para manter unha xuntanza co presidente da Xunta, Alberto Núñez Feijoo. Será a partires das 18 horas en San Caetano. Con el falará de asuntos de interese para Burela coma o abastecemento de auga, os accesos ao porto, o hospital, o POL ou o Plan Xeral. Alfredo Llano quere “facerlle chegar ao presidente as preocupacións que temos na vila neste momento”.
Por outra banda, nas últimas horas o rexedor burelés mantivo un encontro do subdelegado do Goberno, Xosé Vázquez Portomeñe, e con técnicos de Costas cos que “estivemos a falar da dotación de servizos á praia de Ril, as obras suporán un investimento de 128.000 euros. O proxecto xa foi aprobado no mes de decembro pasado e agora está pendente de licitación e agardamos que este ano estea en marcha e si é posible rematado”. O rexedor lembrou que “consiste en mellorar ese entorno creando novos aparcamentos, parque infantil e de adultos e dálle moito valor a ese areal”. Llano dixo que “tamén falamos da dotación de servizos á praia do Cabaliño e do Portelo, ten un presuposto de 224.000 euros, xa está enviado o proxecto desta actuación desde o 14 de decembro do pasado ano e é posible que se inicien deste 2010”.
Alfredo Llano valorou de xeito moi positivo “esa actuación que queremos facer na praia do Perdouro e que ten un orzamento que rondará os 2,5 ou os 3 millóns de euros. Alí vaise recuperar ese espacio para uso público en xeral, para a nosa poboación e para os turistas que nos visiten, porque está moi cerca duns restos arqueolóxicos e do paseo do Cantiño e ven a agrandar a oferta de areais que temos no noso concello. Consideramos que é posible que para o ano que vean estea en marcha”. O alcalde de Burela demandoulle aos técnicos de Costas e ao subdelegado do Goberno que “se mellore o mantemento dos dous paseos tanto na Marosa como no Cantiño, que se repoñan as luminarias rotas e que deste xeito se anime á xente a pasear por eles. Tamén estamos executando obras na praza do Portelo, que agardo que ao remate quede moi atractiva e a instalación dunha pantalla antiaérea alí no Portelo e pendente está a recolocación da escolleira da Marosa, que é moi importante para evitar os efectos do mar sobre a praia. Xa estaba solicitada esta obra hai tempo e é posible que se execute nos vindeiros meses para que estea lista de cara á vindeira época estival”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
