BURELA (FNC) .- A Delegación de Educación e Medio Ambiente de Burela fixo entrega dos premios do III Certame de Nadal Propostas para Mellorar o Medio Ambiente. Na modalidade de debuxo a gañadora foi Fabiola Tuñas Río, de catro anos, que recibiu un lote de materiais para pintar, debuxar, e facer manualidades en xeral. En fotografía, na categoría de 6 e 8 anos, o gañador foi Delio Otero Romo e na categoría de 9 e 11 anos, a gañadora foi Katia Sofía Daveiga Gómez. Na variante de relato curto, na categoría de 6 e 8 anos o gañador foi de novo Delio Otero Romo e na categoría de 9 e 11 anos, a gañadora foi Irene Rico Gómez. Segundo a concelleira socialista Lucía Bouza “estes catro premiados recibiron cadansúa cámara de fotos dixital. Unha vez entregados os premios, todos os participantes do Certame recibiron un lote de libros e participaron no sorteo dunha consola Wii, que foi para Adrián Ben”.
Condución eficiente
Bouza lembra que “os días 12 e 13 do presente mes de marzo realizaremos en colaboración coa Fundación Sotavento un curso de condución eficiente cuxa matrícula é gratuíta. Neste curso todos podemos aprender a conducir dun xeito máis eficiente, o que conleva un aforro de combustible e unha diminución na emisión de CO 2 á atmósfera”. A inscrición pode realizarse na Oficina Municipal de Medio Ambiente, situada nas dependencias da Fundación Expomar ou ben a través do teléfono 982 58 08 67, en horario de oitod a mañá a tres da tarde.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
