A MARIÑA .- Os establecementos de turismo rural Finca O Bizarro de Trabada, Mi Norte de Ribadeo, Anatur de Viveiro, Casa do Mudo de Cervo, A Casa de Piego de Foz, Finca O Remanso de Mondoñedo, Areal de Viveiro, Finca Goleta de Foz e Casa Do Merlo de Barreiros acollen esta fin de semana a 110 mozos e mozas por medio do programa Xuventur da secretaría xeral para o Turismo e a dirección xeral de xuventude da Xunta de Galicia. A iniciativa, que pretende desestacionalizar a actividade turística, inclúe un completo programa de ocio e ten un custo de entre 75 e 100 euros por praza
Nota de Prensa
17 CASAS DE TURISMO RURAL DA MARIÑA E ANCARES ACOLLEN A PRETO DE 200 MOZOS E MOZAS NA PRIMEIRA FIN DE SEMANA DO PROGRAMA XUVENTUR
* A iniciativa, que pretende desestacionalizar a actividade turística, inclúe un completo programa de ocio e ten un custo de entre 75 e 100 euros por praza
Lugo, 30 de abril de 2010.- 180 mozos e mozas de entre 18 e 35 anos inauguran esta fin de semana o programa Xuventur na provincia de Lugo, en concreto en casas de turismo rural da Mariña e dos Ancares.
A iniciativa, que desenvolven a Secretaría Xeral para o Turismo e a Dirección Xeral de Xuventude da Xunta de Galicia, rexistrou 110 participantes na Mariña e 70 nos Ancares, que disfrutarán dun completo programa que inclúe aloxamento e manutención así como actividades de turismo activo, como clases de iniciación á escalada e ao rápel, roteiros en bicicleta, piragüismo, sendeirismo e iniciación á orientación na montaña.
Os establecementos que participan neste proxecto son os de Finca o Bizarro (Trabada) Mi Norte (Ribadeo), Anatur (Viveiro), Casa do Mudo (Cervo), A Casa de Piego (Foz), Finca O Remanso (Mondoñedo), Areal (Viveiro), Finca Goleta (Foz) e Casa Do Merlo (Barreiros) na costa e Aira de Ancares, Hotel Pontes de Gatín, Casas Solariega de Cervantes, Casa O Crego, Hotel Suarna, Cantina Mustallar, Hotel Piornedo e Campo da Braña nos Ancares.
En toda Galicia
O programa Xuventur desenvólvese nas casa de turismo rural galegas durante as fins de semana dos meses de abril, maio e xuño -excluída a Semana Santa- e inclúe o aloxamento as noites do venres e sábado e manutención –o venres cea, sábado manutención completa e o domingo almorzo-.
Tamén está incluído o programa de actividades de turismo activo e o material preciso para o seu desenvolvemento. No suposto de que faga mal tempo, desenvolveranse actividades alternativas. O custo por cada praza é de 100 euros (75 € co carné xove), o que significa que os prezos son entre un 50 e un 60% máis baratos que si se contratan directamente ao marxe do programa.
No total de Galicia neste programa participan 106 establecementos rurais, situados en 67 concellos galegos. As condicións do mesmo foron pactadas en colaboración con 15 asociacións de turismo rural. Tamén participan na iniciativa 13 empresas de turismo activo, que son as encargadas de elaborar o programa de actividades de ocio e tempo libre.
En total haberá 1.496 prazas dispoñibles e o programa durará 11 fins de semana. Co respecto ao número de prazas, este ano incrementáronse en 500 con respecto ás cifras que se barallaron o ano anterior, xa que se logrou sumar 50 establecementos máis a este campaña.
A Xunta de Galicia programou trece programas diferentes, dependendo da comarca onde se desenvolva Xuventur, que comprenden actividades como bodyboard e skibus, cabullería, sendeirismo, piragüismo, paintball, tiro con arco, escalada, rutas en btt, rutas dacabalo, orientación, canoas, tiro con arco, visitas guiadas e culturais, descenso en kaiak, surf, padelboard, espeleoloxía, iniciación á escalada e rápel, xogo de rol en vivo dramatizado, carreiras de orientación con gps deportivo…
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
