CERVO .- O Concello de Cervo ten previsto implantar un programa de compostaxe doméstica nos domicilios do municipio que queiran participar neste proxecto medioambiental, os interesados poderán apuntarse na Casa do Concello ou nas oficinas municipais da casa da Cultura de San Ciprián
Nota de Prensa
O CONCELLO DE CERVO IMPLANTARÁ UN PROGRAMA DE COMPOSTAXE DOMÉSTICA
* A idea de por en marcha esta iniciativa xurdiu despois de constatar no Concello o interese de varios veciños nesta alternativa ecolóxica
* Os interesados en participar poderán apuntarse na Casa do Concello ou nas oficinas municipais da casa da Cultura de San Ciprián
Cervo, 19 de abril de 2010.- O Concello de Cervo ten previsto implantar nos vindeiros meses un programa de compostaxe doméstica nos domicilios do municipio que queiran participar neste proxecto medioambiental, así o anunciou no día de hoxe o alcalde de Cervo, Alfonso Villares.
Segundo indicou o rexedor, a idea de por en marcha esta iniciativa xurdiu despois de constatar no Concello o interese de varios veciños nesta alternativa ecolóxica dirixida ao reciclaxe da materia orgánica nos domicilios mediante a instalacións nas súas casa de composteiros domésticos. “En vista do interese de varios veciños puxémonos en contacto cos responsables de Sogama para solicitar deles o seu apoio e respaldo nesta iniciativa” indicou Villares.
O rexedor indicou que a transformación da materia orgánica en compost nas vivendas permitirá aos veciños que decidan participar neste programa reducir nun 50% as cantidades de residuos a depositar nos colectores convencionais “o que permitirá unha diminución da frecuencia de recollida dos mesmos polos servizos municipais, ademais dunha menor cantidade de residuos entregados a Sogama e por conseguinte, un menor importe das facturas emitidas por esta empresa” sinalou.
Por iso, o Goberno local pretende agora abrir un período para que todos aqueles veciños que desexen participar neste programa podan formalizar a súa inclusión nesta iniciativa e se podan informar máis polo miúdo de tódolos seus detalles. Os interesados en participar só teñen que achegarse ás dependencias da Casa do Concello de Cervo ou ás oficinas municipais da Casa da Cultura de San Ciprián.
O programa a implantar no concello contempla a adquisición de composteiros por parte do Concello e Sogama. Estes recipientes distribuiranse nas vivendas dos veciños participantes na iniciativa para facilitar a transformación da materia orgánica en compost. Ademais, e co fin de garantir uns resultados satisfactorios, a previsión do Goberno local é levar adiante unha intensa campaña educativa e de concienciación social que tomará forma de cursos de formación e que correrá a cargo de expertos na materia, ademais de visitas de seguimento “porta a porta”, onde persoal axeitado comprobará o proceso levado a cabo por cada unidade familiar participante no programa e corrixindo desta forma as posibles malas prácticas ou solucionando dúbidas ao respecto.
Estas actuacións de sensibilización reforzaranse coa edición de diverso material didáctico e divulgativo, que servirá de apoio na tarefa informativa e formativa.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
