SANTIAGO .- O helicóptero Pesca II de salvamento e vixilancia, da Consellería do Mar, con base en Celeiro, está operativo as 24 horas do día dende hoxe, durante todo o ano. As tripulacións realizarán quendas de maneira que sempre haxa profesionais no hangar dispostos a saír inmediatamente ante calquera posible emerxencia
REFERENCIA
Hoxe asinouse o contrato polo que entra en vigor o novo servizo que permite as gardas físicas na base de Celeiro para que a aeronave estea sempre operativa
O Pesca II xa conta con tripulación operativa as 24 horas do día
A partir desta noite, o Pesca I e o Pesca II da Consellería do Mar xa están operativos as 24 horas do día durante todo o ano, xa que en xuño implantouse este sistema no Pesca I, con base en Vigo
Amplíase o persoal do servizo aéreo de Gardacostas, con 10 pilotos e 7 rescatadores máis
Mar garante así unha maior seguridade en todo o litoral galego cun prazo de resposta de 10 minutos para activar cada aeronave
Santiago, 31 de marzo de 2010.- As bases dos helicópteros do Servizo de Gardacostas da Xunta–Pesca I e o Pesca II- xa dispoñen de tripulación ás 24 horas do día durante todo ano. O secretario xeral da Consellería do Mar, Francisco Vidal-Pardo e o subdirector xeral de Gardacostas, Lino Sexto, asinaron hoxe o contrato coa empresa adxudicataria (UTE Inaerhelicópteros off-shore S.A. /Hispacopter S.L.) polo que entra en vigor o novo servizo que permite as gardas físicas na base de Celeiro, para que o Pesca II estea sempre operativo.
Así, a partires das 00:00 horas desta madrugada as tripulacións realizarán quendas de maneira que sempre haxa profesionais no hangar dispostos a saír inmediatamente ante calquera posible emerxencia. Este mesmo sistema implantouse no Pesca I, con base en Vigo, no mes de xuño. Co reforzo da base de Celeiro, a conselleira do Mar, Rosa Quintana, dá cumprimento a unha das prioridades do seu departamento de reforzar o servizo de operatividade da tripulación. Con este novo modelo, o servizo aéreo de Gardacostas aumenta o seu plantel con 17 profesionais máis, ao pasar de 8 pilotos a 18 e de 2 a 9 rescatadores.
Ademais este sistema garante a reducción a 10 minutos do tempo de resposta para activar calquera dos dous helicópteros da Consellería do Mar ante calquera emerxencia en toda a costa galega, optimizando así os recursos materiais dos que dispón a Xunta.
A Consellería do Mar reformulou o servizo de rescate aéreo e aumentou a súa capacidade operativa ao dotarlle de máis recursos humanos e técnicos, xa que ata o de agora os tripulantes estaban na base durante a mañá e o resto do día tiñan que estar localizables, polo que podían pasar ata 30 minutos ata que se mobilizaba aos pilotos. Agora, estando permanentemente no hangar, a reacción é de 10 minutos como máximo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
