NOTA DE PRENSA
OS SOCIALISTAS RECLAMAN QUE SE DECLARE O CONXUNTO DAS INSTALACIÓNS DO ANTIGO PORTO DE VIVEIRO, COMO INFRAESTRUCTURA EN DESUSO, CON FIN DE FACILITAR A REXENERACIÓN DA RIA
– O deputado socialista Ismael Rego sinala que o alcalde de Viveiro ten impulsado a proposta dunha actuación a realizar pola Dirección Xeral de Sostibilidade da Costa e do Mar, de rexeneración de toda esta zona da costa na marxe dereita da ría de Viveiro entre a Ponte da Misericordia e o porto deportivo, para o que xa se teñen realizado conversas con responsables de portos de Galicia
Santiago , 29 de abril de 2010. O deputado do Grupo Parlamentario do PSdeG-PSOE Ismael Rego rexistrou no Parlamento unha Proposición Non de Lei na que reclama que se declare o conxunto das instalacións do antigo Porto de Viveiro como infraestructura en desuso, coa finalidade de facilitar a execución do proxecto redactado polo departamento de Costas do Goberno central, para a rexeneración da marxe dereita da Ría de Viveiro entre a Ponte da Misericordia e o Porto deportivo
O deputado socialista lembra que a actividade do porto pesqueiro de Viveiro, radicado no centro da vila, foi substituído na práctica polo Porto de Celeiro e o propio porto deportivo construído no contorno da ría que dá refuxio tamén a embarcacións de pesca artesanal, ata o punto de deixar claramente en estado de desuso todo o espazo axustado pola concesión feita no seu día para a construcción do peirao.
Rego explica , na iniciativa rexistrada, que a radicación do espazo portuario no centro do enclave urbano de Viveiro e as instalacións de naves e galpóns, na súa maioría en desuso, tapando unha parte importante da súa fachada marítima onde se atopan elementos tan senlleiros como a Porta de Carlos V. Ademais a propia necesidade deste enclave urbano tan referencial para o norte de Galicia de abrir espazos libres cara ao mar, fixo que dende hai anos os responsables do concello e a propia Xunta traballasen na dirección de ir eliminando os galpóns e naves negociando cos usuarios ou recuperando as concesións segundo estas foron caducando, o que trouxo como consecuencia a eliminación dun número considerable destas, aínda que non a súa totalidade como é desexable.
Sinala tamen que o alcalde de Viveiro ten impulsado a proposta dunha actuación a realizar pola Dirección Xeral de Sostibilidade da Costa e do Mar, de rexeneración de toda esta zona da costa na marxe dereita da ría de Viveiro entre a Ponte da Misericordia e o porto deportivo, para o que xa se teñen realizado conversas con responsables de portos de Galicia. Pero advirte que polo de agora non deron os resultados desexados para que fose posible levar adiante este importante proxecto, aínda despois de que por parte do departamento de costas do Goberno central se teña mostrado disposición para financiar a totalidade dos custes, mesmo incluíndo os do rescate das ocupacións legais por terceiros sobre terreos afectados e as indemnizacións que legalmente resultasen procedentes.
Afirma que xa que se trata dun proxecto non só de alto interese para Viveiro senón tamén para o seu contorno comarcal, e despois do camiño andado, que non é pouco, pero aínda insuficiente, e polo que o Grupo Parlamentario dos Socialistas de Galicia, presentan a proposición non de lei.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
