NOTA DE PRENSA
Os convocantes son os mesmos que durante os pasados catro anos estiveron calados, pese ao deterioro que a sanidade pública estaba a sufrir como consecuencia da mala xestión do bipartito
O PP DA MARIÑA ASEGURA QUE A CONCENTRACIÓN DE PROTESTA NO HOSPITAL DA COSTA RESPONDE A INTERESES POLÍTICOS
* O centro hospitalario mariñán non dependerá de Lugo, manterá a súa autonomía e mellorará os seus servizos – afirman os populares con contundencia.
* Nun só ano o Goberno de Feijoo ten investido en obras para o Hospital máis do dobre do executado polo bipartito en toda a lexislatura e porá en marcha de xeito inminente un novo servizo de detección precoz do cancro de mama.
* Os populares piden “que se lles deixe traballar” pois “son os primeiros interesados en que o Hospital da Costa marche ben” e insisten en que ao longo da lexislatura cumprirán todos os compromisos do seu programa electoral.
A Mariña, 23 de abril de 2010.- A concentración de protesta convocada pola Comisión de Centro do Hospital da Costa para este sábado “responde a intereses políticos e non ten ningún fundamento, porque o centro hospitalario mariñán non dependerá de Lugo, manterá a súa autonomía e mellorará os seus servizos”- así de contundentes amosáronse no día de hoxe no Partido Popular da Mariña, desde onde tamén demandaron un voto de confianza dos veciños da comarca porque “estamos traballando, e queremos seguir traballando para facer realidade os compromisos adquiridos no noso programa electoral”
Os populares afirman que entenderían o acto de protesta “se de verdade defenderan a mellora do sistema sanitario”, pero o que hai é “política de pancarta”, baseada ademais en hipóteses “que non son certas, pois ningún outro Goberno está tan comprometido co Hospital da Costa como o actual, o que lidera Alberto Núñez Feijoo”. Nese senso os populares quixeron lembrar que so as obras comprometidas ata o momento, de substitución da cuberta, rampla de acceso, zona de arquivos e área de maternidade do Hospital da Costa, “achegan un investimento superior a máis do dobre do executado polo bipartito nos pasados catro anos”, así como tamén se está a avanzar grazas á inminente creación dun novo servizo de detección precoz do cancro de mama, “con mamografías dixitais máis modernas e que incorporan os últimos avances tecnolóxicos”.
CATRO ANOS DE SILENCIO ANTE O DETERIORO
O Partido Popular subliña o rechamante feito de que os convocantes deste acto de protesta son “as mesmas persoas” que durante a pasada lexislatura “estiveron mudos, calados, pese a parálise e o retroceso que coa xestión do bipartito sufriu o Hospital da Costa e o conxunto da sanidade comarcal”. “Daquela nin había pancartas, nin había protestas, nin daban a voz de alarma, o que ratifica que detrás destes movementos hai un interese de facer dano político” –todo iso pese a que segundo explican- “podemos asegurar con total coñecemento, que a situación do Hospital entón era moito peor.”
“QUE SE NOS DEIXE TRABALLAR”
Finalmente desde o Partido Popular volven a pedir “que nos se deixe traballar” e nesa liña queren a insistir en “que mantemos todos e cada un dos compromisos para a mellora da sanidade comarcal e do Hospital da Costa que formaban parte do noso programa electoral”. Ata o momento –subliñan- tan só pasou un ano, o 25% do total da lexislatura na que, xa adianto como non podería ser doutro xeito cumpriremos todas as nosas promesas”. Segundo os populares explican “nós somos os primeiros interesados en que o Hospital da Costa marche ben, e os veciños estean satisfeitos e orgullosos da asistencia médica que alí se presta. Pero a situación da que partimos é moi mala, e temos que administrar esa herdanza, e traballar arreo por mellorala”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
