LUGO .- A Fundación TIC -dependente da Deputación-, en colaboración co Concello de Lugo, convoca o I Concurso Nacional de Curtametraxes e Maquetas Musicais Lugo10, dotado con 9.000 euros en premios. O Presidente da Fundación e da Deputación, José Ramón Gómez Besteiro, e o Alcalde de Lugo, José López Orozco, presentaron este mércores as bases do certame, que ten como tema central a Muralla. Esta é unha das colaboracións do organismo provincial co programa Lugo10 que conmemora o décimo aniversario da declaración do monumento romano como ben Patrimonio da Humanidade.
Gómez Besteiro dixo que “damos a este concurso unha cobertura nacional porque queremos que teña a máxima difusión e que nace con vocación de continuar no tempo”. Segundo o Presidente da Fundación, “este é deses proxectos que suman a todos e a unión fai a forza. Con esta iniciativa perseguimos varios obxectivos: por una banda, a promoción da Muralla e tamén da provincia e, por outra, o fomento da creatividade da mocidade no ámbito dos medios audiovisuais, favorecendo a súa inserción laboral”. Neste senso, destacou que “hai un premio específico para os traballos que presenten autores de menos de 30 anos”.
Pola súa banda, o Alcalde de Lugo indicou que “no Lugo 10 participan todos os lucenses sen ter en conta a idade. Esta é unha oportunidade para que a xente nova, a través da música e do mundo audiovisual, participe na celebración do 10º aniversario da Muralla”.
A presentación, na que tamén participou a Concelleira de Xuventude de Lugo, Rosana Rielo, tivo lugar na Casa da Música e contou coa presencia de varios grupos de música locais e coa actuación dun deles, Zinc so!, formado por alumnos do IES A Nosa Señora dos Ollos Grandes, que tocaron una canción inspirada na Muralla.
Bases do concurso
As bases establecen que a creación debe ser inédita e tan só poderá presentarse un traballo por participante ou grupo. O prazo estará aberto dende o 17 de maio ó 30 de outubro de 2010. As curtas poden ser mudas ou con son incorporado, en castelán ou galego; de non ser así, deberán ter subtítulos nun destes idiomas. Teñen que presentarse en formato DVD cunha duración máxima de 10 minutos. Polo que se refire ás maquetas, admitiranse cancións de calquera estilo.
En cada unha das modalidades –curtas e maquetas- haberá tres premios: un dotado con 2.000 euros para o traballo que mellor ensalce a Muralla; outro de 1.500 para o que potencie máis a provincia, e un terceiro de 1.000 euros destinado a autores de menos de 30 anos. Tanto as maquetas musicais como as curtas formarán parte dos arquivos da Fundación TIC e do Concello de Lugo.
Como participar
As maquetas presentaranse directamente a través da internet mediante a aplicación destinada ó efecto no microsite www.fundaciontic.org/maquetas. As curtas enviaranse á dirección da Fundación TIC (rúa do Arco, s/n 2004 Lugo). Para participar no concurso é necesario achegar o boletín de inscrición, que se pode descargar na web da Fundación (www.fundaciontic.org).
Un comité de selección designado pola organización elixirá os traballos que entrarán no concurso, de entre todos os recibidos. Rematado o proceso de selección, comunicarase a súa decisión ós participantes seleccionados a través da web da Fundación.
A Deputación con Lugo10
O primeiro Concurso Nacional de Curtametraxes e Maquetas Musicais é unha das catro iniciativas do organismo provincial ó Lugo10. A primeira, a Pasarela Muralla Moda 2010, celebrouse o 19 de abril con grande éxito e cunha proxección a nivel de toda España. Ademais, antes do verán está prevista a posta en marcha dunha Aula Móbil turístico-medioambiental con forma de barco pesqueiro que levará o nome Muralla de Lugo por toda a xeografía española. E tamén, co obxectivo de abrirse ó río, a Deputación iniciará este ano a campaña Lugoteando adicada á Lugo e á auga, que incluirá actividades acuáticas que poñan en valor o segundo patrimonio lucense ademais do histórico: o medioambiental.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
