A MARIÑA (FNC) .- O alcalde de Burela, Alfredo Llano, asistiu onte a un encontro da comisión permanente da Mancomunidade de Municipios de A Mariña e, segundo indicou, “alí tratamos dous temas, un deles referido a unha orde de 29 de marzo de 2010 da Consellería de Presidencia para solicitar unha axuda económica destinada ao asociacionismo municipal a través da Mancomunidade, trátase dunha subvención de 20.000 euros sobre un montante de 25.000 e a ver si nos aportan o 80%. Todos estivemos de acordo e penso que sería interesante porque nos aforraría cartos aos Concellos que participamos da Mancomunidade. E tamén solicitamos á Secretaría Xeral de Política Lingüística unha subvención para a promoción e uso do idioma galego, queremos ter unha persoa que se poida adicar a cuestións administrativas e formativas de asesoramento para calquera Concello que poida demandar”. Alfredo Llano suliñou que “eu preguntei pola solicitude que lles plantexamos ao goberno do Estado e á Xunta sobre a previsión de realización de obras en infraestructuras para aquí para A Mariña e de momento só mandou algo o goberno decindo que terían en conta a petición, pero non enviaron nada”.
A Mancomunidade de A Mariña pide axudas para asociacionismo e para a promoción e uso do idioma galego
A Mancomunidade de A Mariña pide axudas para asociacionismo e para a promoción e uso do idioma galego
Relacionado
-
Segue aberto o prazo para matricularse no Centro de Formación e Experimentación Agroforestal Pedro Murias
-
O PP pide desde Foz que a Deputación poña en marcha un plan de apoio aos Concellos da provincia para a xestión do ciclo da auga
-
Galdo contará con 27 novas suxeicións nos colectores de lixo para mellorar o servizo