CERVO .- A concellería de Medio Ambiente do Concello de Cervo, que dirixe Pilar Armada, organiza para o vindeiro día 3 de xuño unha viaxe en colaboración con SOGAMA para para visitar as instalacións da planta de tratamento de residuos que a Sociedade Galega de Medio Ambiente ten na localidade de Cerceda.
Esta actividade enmárcase dentro das IV Xornadas de Portas Abertas coas que SOGAMA conmemora a Semana do Medio Ambiente e segundo apuntou a concelleira cervense, na edición deste ano a Sociedade Galega de Medio Ambiente convidou especialmente aos concellos participantes no programa de compostaxe doméstica que se está a celebrar en Galicia “para que os veciños destes concellos -entre os que está Cervo- coñezan in situ a actividade desenvolvida nestas instalacións” indicou.
Todas aquelas persoas que desexen desprazarse ata esta planta de tratamento de Cerceda para coñecer o seu funcionamento poden inscribirse na casa do concello ou na casa da cultura. A viaxe é de carácter gratuíto, aínda que os interesados en participar deberán aboar 15 euros para o almorzo que está previsto celebrar nunha localidade próxima unha vez remate a visita a este complexo onde se tratan os residuos urbanos procedentes dunha boa parte do territorio galego.
A concelleira de Medio Ambiente convidou a tódolos cervenses a participar nesta viaxe “porque penso que é unha boa oportunidade para poder comprobar in situ e de primeira man a actividade desenvolvida na infraestrutura central da sociedade galega de medio ambiente, experiencia que -sobre todo no noso caso, ao estar participando no proxecto de autocompostaxe- penso que será moi útil para comprender a importancia do traballo de reciclaxe que aquí se desenvolve e que ademais se complementa coa transformación en enerxía eléctrica da parte do lixo non reciclable”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
