Nota de Prensa
O BNG DE FOZ ACUSA AO GOBERNO MUNICIPAL DE SER OS PROMOTORES DO LAMENTABLE ESTADO DO POBO
“Nunca a vila estivo tan desatendida e Foz non se merece esto” afirma Basanta
Foz, 19 de maio de 2010.- O BNG de Foz quere manifestar a súa preocupación polo estado no que se atopa a vila debido á incapacidade e á deixación de funcións do grupo de goberno. De nada serve de que o alcalde intente convencer á xente de que todo está ben cando os feitos móstranos outra realidade: un pobo totalmente abandonado polos seus gobernantes.
O primeiro que resulta sorprendente e inadmisible é que a maioría das escombreiras e vertedoiros incontrolados estean en espazos públicos e sexan promocionados polo propio Concello. Así podemos sinalar a escombreira de detrás da Sala Bahía, unha instalación municipal e terreos públicos. Tamén no mesmo caso está o vertedoiro que se atopa detrás da depuradora e da nave que o Concello ten no Porto. É así mesmo apareceu outra escombreira de material de obra na Rúa Latexos, tamén en dominio público. Dificilmente pode esixir o Concello aos particulares que teñan as súas fincas ou edificacións en condicións de hixiene e ornato cando é o propio Concello quen promove a maioría dos vertedoiros de lixo da vila. “O Concello non pode mandar facer o que el mesmo non practica e o que debe facer antes de ameazar aos cidadáns con sancións é practicar co exemplo” di González Basanta. Estes feitos veñen a ratificar que as declaracións e os propósitos de emenda do alcalde sobre a limpeza e ornato do concello só son proclamas que esconden a incompetencia e a nula determinación á hora de aplicar a normativa.
O segundo que da unha imaxe pésima do noso pobo é o abandono no que se atopan os aparcadoiros que o Concello ten por todo o casco urbano e que foron cedidos a maioría por promotoras que non executaron as licenzas de urbanización. Estes feitos fan de Foz o pobo que peor imaxe dá diante dos veciños e dos visitantes de todos os da Mariña sen dúbida. O que ocorre en Foz non se permitiría en ningún outro Concello, porque é o propio Concello quen xestiona ditos aparcadoiros. Podemos poñer como exemplos o aparcadoiro do antigo cine en plena Avenida da Mariña, unha lameira cando chove, cheo de socavóns, coas vallas derrubadas e con cascallos de obra. Outro tanto ocorre na outra vía principal da vila, a Rúa Alvaro Cunqueiro, onde se atopa un aparcadoiro municipal nunhas condicións desastrosas.
Tamén hai que resaltar os numerosos desperfectos no mobiliario público ou a suciedade das vías públicas que a pesares de ser advertidos a través dos rogos en pleno non son amañados. Como exemplo, hai máis dun mes que no parque Martinez Otero, o máis céntrico da vila, os columpios están rotos e as farolas sen luminarias. Ou o parque da Rúa Uxío Novoneyra cheo de maleza e material de obra desde que se instalou.
Outra situación insostible son os numerosos casos de obras de urbanización que non se remataron e que quedaron abandonadas á súa sorte chegando ao estado de ruina. Non se tomou ningunha medida por parte do Concello e agora cada vez están nunha situación de degradación peor dando unha imaxe cara o exterior dunha vila devastada e provocando ao mesmo tempo situacións de auténtico perigo para os peóns coas vallas defectuosas e cos materiais abandonados. A maiores, estas obras están nas rúas máis céntricas de Foz como son a Avenida da Mariña ou Alvaro Cunqueiro.
De todas estas denuncias hai documentación gráfica pero só temos que darnos un paseo polo pobo para comprobalo. Todo esto e moito máis non é algo que o BNG non lle teña advertido ao Grupo de Goberno en numerosas ocasións pero que só a irresponsabilidade e a deixación coa que actúa o grupo de Goberno son as culpables de que as cousas sigan igual ou empeoren. O grupo municipal nacionalista culpa directamente ao alcalde, por ser el o responsable deste estado de cousas e non tomar ningún tipo de medida para solucionalo e dedicarse a lanzar proclamas sen facer o que xustamente critica. “Os veciños e veciñas de Foz non teñen desde logo a culpa de ter uns gobernantes tan ineficaces e que o único que fan é lanzarse loubanzas inmerecidas de obras, a maioría delas a través da contratación de empresas privadas cando ben poderían realizalas o propio Concello”.
A crúa realidade é que Foz hoxe é a vila da Mariña máis desatendida e que peor imaxe da á vista de todos, tanto de veciños coma de visitantes, cousa que desde logo Foz nin os focegos merecen e que só ten un culpable: o equipo de goberno.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
