LUGO .- O Deputado da Rede Viaria Provincial, Juan José Díaz Valiño, defendeu a xestión protagonizada polo actual equipo de goberno na contratación das obras que se realizan nas estradas da Deputación, “polo que non temos ningún problema en poñer a disposición pública os expedentes tramitados”. Neste senso, subrliñou que “a nosa xestión nada ten que ver co sistema levado a cabo durante os 24 anos do Partido Popular. Abaratáronse os prezos, o cal redunda nun maior aforro para este organismo, e mellorouse o control das obras”.
A este respecto, o Deputado provincial destacou que “co goberno do Partido Popular o prezo por tonelada de aglomerado ascendía nalgúns casos ós 60 euros. Neste momentos, o prezo que paga a Deputación oscila entre os 38 e os 42 euros, é dicir, nalgúns casos ata reducimos o custe nun 50%. Ademais, fronte ó sistema de zahorra e de rebacheo empregado anteriormente, hoxe aplicamos aglomerado en quente en todas as obras co que nos evitamos ter que estar continuamente reparando a rede viaria”.
Valiño tamén defendeu a profesionalidade dos servizos provinciais, “pero non somos responsables do que fagan os traballadores a título particular”.
Levantamento do sumario
O Alcalde de Castro de Rei tamén amosou a súa tranquilidade ante o levantamento do segredo do sumario ordeado pola xuíza instrutora das supostas irregularidades cometidas pola Corporación municipal na contratación de obras neste municipio. “Teño a conciencia moi tranquila, aínda máis se cabe que cando saín dos xulgados porque agora xa teño coñecemento do sumario e xa o puiden leer na maior parte. Repito e transmito a todos os veciños de Castro de Rei a maior tranquilidade en todo este proceso”. Neste senso, apuntou que “confío na xustiza e desexo imperiosamente que isto remate. Teño o apoio dos veciños e un ten que dar a cara ás duras e ás maduras. Este Alcalde traballou para o Concello e vaino seguir facendo”.
Neste senso, subrliñou que “o sumario avala que a persoa que lles fala e os meus compañeiros non nos vimos beneficiados neste procedemento e nas nosas actuacións non houbo nada ilícito. O que si se demostra é o que eu recoñecín dende o primeiro momento é que este Alcalde sempre pediu transparencia e legalidade e así aparece textualmente no sumario”.
Sobre o suposto beneficio por contratacións a empresas familiares indicou que “o meu desexo é que se xere riqueza na comarca e no Concello de Castro de Rei, polo que é normal que se conviden a empresas da zona. Ademais, esta era a filosofía do Fondo Estatal: beneficiar á pequena e mediana empresa de cada un dos municipios, respectando a escrupulosa legalidade”. A este respecto puntualizou que “en Castro só hai dúas panaderías e pódese comprobar que a da miña familia non levou nin un só céntimo. O lóxico é que un Alcalde pida que as compras do psiquiátrico se fagan no seu Concello”.
Asimesmo, Valiño tamén sublióu que non existe ningún sumario paralelo sobre a suposta ilegalidade de chalés e vivendas “que nunca se chegaron a facer e que ademais non me pediron declaracións ó respecto”. Valiño recalcou que “é máis, este Alcalde anulou dous convenios asinados coa antiga Corporación, afectando un deles a unha cooperativa sen ánimo de lucro, que afecta a 85 veciños de Castro de Rei e da comarca e non a ningún empresario”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
