LUGO .- A xunta de goberno da Deputación aprobou catro novas actuacións por importe de preto de 1,3 millóns de euros, das que tres pertencen á iniciativa creada polo actual equipo de goberno, que se acometerán nos concellos de Lourenzá, Triacastela, Sarria e Begonte.
NOTA DE PRENSA
A Deputación pecha o mes de xuño coa contratación de máis de 7 M€ do Plan Extraordinario de Obra Pública
– A Xunta de Goberno aproba catro novas actuacións por valor de preto de 1,3 millóns de euros, das que tres pertencen á iniciativa creada polo actual equipo de goberno grazas á boa xestión realizada
– As actuacións levaranse a cabo nos Concellos de Lourenzá, Triacastela, Sarria e Begonte
A Xunta de Goberno deste venres aprobou a contratación de catro novas obras que a Deputación acometerá nos Concellos de Lourenzá, Triacastela, Sarria e Begonte por valor de 1.284.060 euros. O voceiro provincial socialista, Antonio Gato Soengas, explicou que “menos a do municipio da Mariña o resto pertencen ó Plan Extraordinario de Obra Pública, dotado con 60 millóns de euros, que puxemos en marcha grazas á boa xestión levada a cabo por este equipo de goberno nos últimos meses”. Neste senso, destacou no mes de xuño o organismo provincial contratou “unha marea de obras” dentro desta iniciativa. En total, 15 actuacións que suman máis de 7 millóns de euros, é dicir, case 1.200 millóns das antigas pesetas.
Dentro desta macroprogramación, a Xunta de Goberno deu o visto e prace a tres, e son as seguintes: primeira fase da mellora das infraestruturas de abastecemento (334.000 €), en Begonte; construción dun novo campo de fútbol en Sarria (476.324 €); e acondicionamento da rede de saneamenento e dos accesos en Santa María do Monte (324.000 €), en Triacastela.
Ademais, o organismo provincial tamén executará con fondos propios a mellora do drenaxe e seguridade vial da CP 2802 de San Xurxo a Arroxo, en Lourenzá. A esta actuación, que afecta ó treito comprendido entre o punto quilométrico 0,000 ó 2,110, destina 149.736 euros. Ademais, no mes de marzo, o organismo provincial xa acometeu outras obras de mellora no mesmo vial, investindo outros 600.000 euros.
“Por tanto, a Deputación realiza un grande esforzo inversor neste Concello, xa que as obras, que hoxe aprobamos e non están contempladas no proxecto inicial, representan un custe adicional que asumimos tamén con fondos propios”, apuntou o voceiro provincial socialista.
Outros acordos da Xunta de Goberno
Na sesión de hoxe tamén se aprobou a rehabilitación do Centro Social Os Novais, de Quiroga, por importe de 68.395 euros, dentro do canon 2008-2009. A este municipio correspondéronlle nestas dúas anualidades 339.217 euros, quedando para este ano 169.608 euros. “Deste xeito, saldaremos a débeda que esta institución tiña contraída con este Concello e cos outros 15 que non contaban cunha sentenza favorable”.
Asimesmo, deuse o visto e prace a 16 contas xustificativas do Plan de Comunidades Veciñais, das que 1 pertencen ó ano 2007, 3 ó de 2008 e o resto ó de 2009. Pertencen ós Concellos de Taboada, Láncara, Pantón, Sarria, Alfoz, Baralla, Barreiros, Becerreá, Begonte, Lourenzá, Lugo, Monforte de Lemos (2), Portomarín, e A Fonsagrada. Suman un total de 276.207 euros, dos que a Deputación achega 136.192 euros.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
