SANTIAGO .- Asegura a conselleira de Sanidade que o modelo de xestión integrada persigue potenciar o papel da Atención Primaria e dos hospitais comarcais, dándolles capacidade para resolver “máis e mellor” os problemas de saúde dos cidadáns.
Nota de Prensa
A CONSELLEIRA DESTACA QUE A XESTIÓN INTEGRADA POTENCIARÁ O PAPEL DE ATENCIÓN PRIMARIA E HOSPITAIS COMARCAIS, DOTÁNDOOS DE MÁIS AUTONOMÍA
Aos centros comarcais corresponderalles a xestión unitaria dos recursos, dos traballadores e materiais do seu ámbito territorial, así como das prestacións e programas sanitarios
As estruturas de xestión única permitirán unha Administración máis lixeira, reducindo o seu custe e facéndoa máis próxima e eficiente
Satisfarán as necesidades de saúde da poboación cunha atención próxima, resolutiva e prestada co menor tempo de espera, minimizando a variabilidade clínica e eliminando duplicidades de procedementos diagnósticos e terapéuticos
Santiago, 9 de xuño de 2010.- A conselleira de Sanidade, Pilar Farjas Abadía, asegurou hoxe que o modelo de xestión integrada persigue potenciar o papel da Atención Primaria e dos hospitais comarcais, dándolles capacidade para resolver “máis e mellor” os problemas de saúde dos cidadáns.
Por iso, explicou, a Xunta está a traballar na elaboración dun decreto que define estas estruturas de xestión única, que permiten unha Administración máis lixeira, reducindo o seu custe e facéndoa máis próxima e eficiente. “Non haberá que ir unhas veces ás oficinas da xerencia de primaria, outras ás do hospital e outras á dirección provincial. Non haberá unha historia no hospital e outra no centro de saúde. Non haberá dúas ou tres unidades de compras”, explicou.
Á vez, potenciarase o papel dos hospitais comarcais, aos que lles corresponderá a xestión unitaria dos recursos, dos traballadores e materiais do seu ámbito territorial, así como das prestacións e programas sanitarios. Así, puxo como exemplo que nas áreas do Barco, de Burela, do Salnés e de Monforte a xerencia será única para os servizos de atención primaria e hospitalarios dentro da súa área, é dicir, reforzarase a coordinación e a capacidade asistencial das áreas, que dependerán da Xerencia do Sergas.
“Achegamos os servizos aos cidadáns, non modificamos o mapa territorial, senón que nos dotamos de estruturas de xestión que permitan mellorar e modernizar o funcionamento do sistema sanitario público de Galicia, tamén nas áreas dos hospitais comarcais”, resumiu a conselleira de Sanidade.
Resposta ás necesidades dos pacientes
Ante o Pleno do Parlamento, Farjas indicou que o gran reto ao que se enfrontan todos os sistemas sanitarios é dar resposta ás necesidades asistenciais dos pacientes, en tempo e forma, e adaptándose aos cambios que se van producindo.
Neste momento, dixo, unha gran porcentaxe da carga de morbilidade preséntase en persoas con enfermidades crónicas, pluripatolóxicas, que fan precisas fórmulas para ofrecer de maneira integrada a asistencia sanitaria, xestión clínica e xestión por procesos, que faciliten a integración entre niveis asistencias e permitan diminuír a duplicidade de probas, os desprazamentos e os ingresos hospitalarios innecesarios e a variabilidade asistencial.
A conselleira lembrou que a organización tradicional do Servizo Galego de Saúde baséase nunha organización por niveis: un modelo de atención vertical, fraccionado, e sen continuidade asistencial.
“As estruturas teñen distintos obxectivos, e por tanto este modelo compartimentado resulta ineficiente, non satisface nin a usuarios nin a profesionais, nin responde como é desexable a unha xestión con criterios comúns ?lamentou-. Os cidadáns e os profesionais perciben chanzos, burocracia, falta de coordinación e de continuidade, engade carga financeira improdutiva, e o resultado é un sistema sanitario e unha atención moito menos eficaces”.
Así, na Lei de saúde de Galicia de 2008 encoméndaselle ao Sergas a introdución de modelos de xestión que dinamicen o servizo público, establecendo a introdución de fórmulas organizativas con visión horizontal e integradora dos procesos asistenciais, facendo compatible o traballo coa atención integrada das necesidades asistenciais dos pacientes.
Pacientes como centro do sistema
“Por iso, dende a Consellería de Sanidade, sen alterar o mapa sanitario actualmente vixente, porque nós non xestionamos mapas, imos introducir, respectando a autonomía dos hospitais, instrumentos de organización e xestión para modernizar o sistema sanitario e mellorar o seu funcionamento ?asegurou-. O noso obxectivo é mellorar a accesibilidade, a eficiencia e a procura da maior calidade das prestacións sanitarias para os nosos pacientes, que son o centro da nosa actividade.”
Así, a responsable da carteira sanitaria de Galicia observou que “buscar unha mellora funcional non significa ter que cambiar a ordenación territorial” e avogou por crear un modelo de atención sanitaria centrado no paciente e avanzar na modernización e na mellora do sistema, un modelo que teña en conta non só a enfermidade senón tamén ao enfermo e o seu entorno: o seu lugar de residencia, as súas circunstancias persoais, a súa familia, etc.
Na súa intervención, Farjas Abadía subliñou que o compromiso da Xunta é prestar unha asistencia sanitaria axeitada, en tempo e forma, a todos os galegos, con independencia da súa idade, lugar de residencia ou problema de saúde que padezan, no menor tempo posible e no lugar máis próximo ao paciente.
Así, a atención integrada da asistencia satisfará as necesidades de saúde da poboación cunha atención próxima, resolutiva e prestada co menor tempo de espera, minimizando a variabilidade clínica e eliminando as duplicidades de procedementos diagnósticos e terapéuticos.
“É un cambio ambicioso pero necesario se queremos implantar a xestión por procesos e a xestión clínica”, declarou, engadindo que se quere acadar así mesmo que os profesionais traballen de forma conxunta, en equipos multidisciplinares, con obxectivos comúns, reducindo a variabilidade clínica e conseguindo así unha asistencia máis próxima ao paciente e máis resolutiva.
Por último, a conselleira considerou que no momento actual, marcado pola situación de crise económica, non é responsable tratar de crear na poboación inquedanzas relacionadas co eido sanitario, xa que isto non redunda nin no bo traballo dos profesionais nin na boa atención que se lles dá aos pacientes.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
