BURELA (FNC) .- O alcalde de Burela, Alfredo Llano, mantivo un encontro co xefe territorial de Educación para analizar as obras que sería preciso realizar durante o verán nos colexios de Burela e tamén no Cefore.
O rexedor explicou que “hai tempo que tiñamos solicitado este encontro. Nós queremos o mellor para Burela e polo tanto ten que haber fluidez nas relacións e neso estamos. Estivemos a falar da oferta educativa e das obras necesarias para os colexios e para os institutos de Burela. Nos que máis se precisa agora mesmo é onde nós temos responsabilidade que son os colexios Virxe do Carme e Vista Alegre, e tamén falamos dos locales do Cefore que temos aí na rúa Correo, hai que facer unhas obras de adaptación e de melloras”.
Llano engadiu que “falamos un pouco de todo o que nos preocupa en materia educativa. Pensamos que Burela é unha das vilas onde máis oferta educativa existe, queremos seguir nesta liña, queremos ofrecerlles o mellor aos alumnos de Burela e aos da comarca e estamos en boa disposición no Concello e na Consellería de Educación para conseguilo tanto agora como de cara ao futuro”.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
