CERVO .- O Concello está procedendo ao reparto dos 30 colectores asignados para este municipio dentro do programa piloto posto en marcha por Sogama en colaboración con varios municipios da Mariña.
Nota de Prensa
O PROXECTO DE COMPOSTAXE DOMESTICO INSTAURADO NO CONCELLO CHEGA AOS CIDADÁNS DE CERVO
* Ao longo destes días estase facendo entrega dos composteiros aos inscritos no Proxecto de compostaxe doméstico
Cervo, 9 xuño de 2010.- A concelleiro de Medio Ambiente do Concello de cervo, Pilar Armada, agradeceu hoxe o interese mostrado entre os veciños do municipio para participar no Proxecto de compostaxe domestico instaurado no concello en colaboración coa Sociedade Galega de Medio Ambiente, SOGAMA.
A edil indicou que ao longo destes días o Concello está procedendo ao reparto dos 30 colectores asignados para este municipio dentro do programa piloto posto en marcha por Sogama en colaboración con varios municipios da Mariña.
“Ata o momento levamos distribuídos 22 dos 30 que se nos asignou inicialmente e estamos á espera de recibir os oito que restan para poderllos dar ás persoas que os demandaron” indicou Armada. Ademais, dixo que estaban en conversas cos responsables do programa para tentar acadar máis composteiros “e poder así cubrir algunha posible demanda que se nos poida presentar a maiores”.
Neste sentido a responsable de Medio Ambiente indicou que a gran maioría dos interesados en participar neste programa de compostaxe doméstica son veciños particulares, aínda que tamén está previsto repartir composteiros nos dous colexios do municipio.
A distribución de composteiros entre os veciños participantes na iniciativa estivo precedida dunha campaña divulgativa para dar a coñecer este programa piloto de reciclaxe doméstica. Ademais, está previsto que o persoal municipal encargado do seguimento deste programa faga periodicamente visitas “porta a porta”, para comprobar o proceso en cada unidade familiar e corrixindo as posibles malas prácticas ou solucionar dúbidas ao respecto.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
