LUGO .- Deputación e Xunta de Galicia garanten a posta en marcha dos parques de bombeiros provinciais o día un de xaneiro. Todos, a excepción do parque de Silleda, teñen xestión indirecta. Os parques de Barreiros, Sarria, e Chantada están listos, mentras que nos vindeiros meses se remataran as obras no de Vilalba, e en novembro no de Viveiro.
NOTA DE PRENSA
Besteiro e Rueda garanten a posta en marcha dos parques de bombeiros provinciais o 1 xaneiro
– O Presidente e o Conselleiro salientan que o Consorcio dará conbertura contraincendios ó 100% da provincia, as 24 horas dos 365 días ó ano
– Gómez Besteiro adianta a plena disposición do Consorcio para integrar o parque de Monforte á rede provincial, e o comezo dos traballos para cubrir a Montaña
– Dende a posta en marcha do Consorcio, ambas administracións levan investidos 7,2 millóns de euros na adquisición de material e nas obras de construción e acondicionamento
O Presidente da Deputación de Lugo, José Ramón Gómez Besteiro, e Conselleiro de Presidencia, Alfonso Rueda Valenzuela, presidiron este venres o cuarto Pleno do Consorcio Provincial de Bombeiros no que avanzaron os trámites para garantir a posta en marcha da rede provincial de bombeiros o vindeiro 1 de xaneiro. Besteiro e Valenzuela salientaron que en 2011 o Consorcio provincial dará conbertura contraincendios ó 100% da provincia, ofrecendo un servizo de emerxencia as 24 horas dos 365 días ó ano.
Durante o encontro, o Consorcio acordou a modificación dos Estatutos que rexe este órgano. Logo da proposta da Xunta de Galicia, esta entidade decidiu cambiar o modelo de xestión e incluír a xestión indirecta. Neste senso, Gómez Besteiro salientou que “este modelo, segundo mantén a Xunta, é o máis axeitado xa que se uniformiza co sistema que hai en toda Galicia. O interese fundamental é a posta en marcha de forma inmediata dos parques de bombeiros para que, por primeira vez, Lugo conte cunhas instalacións anti-incendios modernas, e que atendan á provincia”.
Galicia conta cun total de 24 parques comarcais: 10 na Coruña, 5 en Pontevedra, 3 en Ourense, e 6 en Lugo. Todos, a excepción do de Silleda, teñen xestión indirecta. Neste senso, ambos mandatarios explicaron que “este sistema non quere dicir que non sexa público, xa que quen marca as pautas, toma as decisións e ten o control dos parques é a Administración. Isto quere dicir que mantemos o caracter público e o control público”. Ademais, o Conselleiro destacou “a plena satisfacción e o bo funcionamento” das instalacións galegas con este sistema, e engadiu que este cambio “é unha boa noticia para a provincia porque avanzamos no proceso que permitirá a Lugo contar cuns parques á altura dos mellores en España”.
A modificación dos Estatutos, que foi aprobada polo Pleno sen ningún voto en contra, deberá ser agora ratificada tanto pola Deputación como pola Xunta para logo, sacar a concurso a contratación deste servizo. A adxudicataria deberá empregar a uns 100 persoas, aproximadamente 20 por cada parque. Da mesma forma, o cambio do texto recolle que a presidencia do Consorcio se rote cada 2 anos, e que a sede oficial do Consorcio se instale na Deputación de Lugo.
Integración do parque de Monforte
Gómez Besteiro destacou a plena disposición do Consorcio para que o parque de bombeiros de Monforte forme parte da rede provincial. Neste senso, lembrou que o Concello deberá agora cumprir coa súa parte, é dicir, que a resolución do persoal que actualmente está traballando deixe de facelo, e así o Consorcio comece coa mellora das súas instalacións. Precisamente, en febreiro un equipo técnico formado por representantes do organismo provincial e o Executivo galego avaliou as necesidades desta infraestrutura, e concluíu que era necesario comprar varios vehículos para a total cobertura da Comarca. Da mesma forma, o Presidente da Deputación adiantou que nos vindeiros meses comezarán os traballos para asegurar a cobertura tamén á zona da Montaña luguesa.
7,2 millóns para o Consorcio
O Consorcio deu conta ademais dos investimentos feitos por ambas as dúas administracións dende a posta en marcha deste órgano que ascenden ós 7.188.680 euros. Desta cantidade, a Deputación adicou 3.842.157 euros para a adquisición de 5 vehículos de mando todo terreo (174.950), 1 camión de rescate de altura (481.400), 2 camións mixtos de rescate-extinción (990.851), 4 camións de primeira intervención (978.124), bombas nodrizas (32.949); así como para o equipamento do parque de Barreiros (231.877), máis a aportación ó Consorcio en 2009 (952.000). Pola súa banda, o Goberno autonómico desenvolsou 3.346.523 euros para a compra de 5 camións nodriza (966.500), á construción e ó acondicionamento dos parques de Chantada (650.580), Sarria (734.817), Vilalba (622.800) e Viveiro (811.826), ademais da aportación feita o ano pasado ó Consorcio (160.000).
Besteiro e Valenzuela deron conta ademais da situación destas instalacións lembrando que os parques de Barreiros, Sarria, e Chantada están listos, mentras que nos vindeiros meses se remataran as obras no de Vilalba, e en novembro no de Viveiro.
Na reunión participaron, ademais do Presidente da Deputación e o Conselleiro de Presidencia, a Delegada territorial da Xunta en Lugo, Raquel Arias; o Director Xeral de Emerxencias e Interior da Consellería de Presidencia, Santiago Villanueva; o Subdirector Xeral de Seguridade e Coordinación do mesmo departamento, José Antonio Fernandez López; o Vicepresidente Primeiro da Deputación, Antón Bao; o Alcalde de Barreiros, José Alfonso Fuente; o Alcalde de Chantada, Manuel Taboada; o Alcalde de Sarria, Claudio López Garrido; o Alcalde de Vilalba, Gerardo Criado; e o Alcalde de Viveiro, Melchor Roel. Como deferencia, tamén estivo presente o rexidor de Monforte de Lemos, Severino Rodríguez, que, malia non ser membro da entidade, acordouse a súa invitación.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
