Ao longo deste ano e pico o goberno do señor Feijoo ten dado un feixe de exemplos da súa deconstrución da realidade galega. E tamén ten demostrado a súa eficacia na demolición da herdanza política (tanto do labor feito polo bipartito desde o goberno, como das propostas presentadas por eles desde a oposición).
Lonxe quedan os pasquíns cos que enchían as caixas do correo da costa galega advertindo da expropiación de facto que, segundo eles, supuña a moratoria dos 500 metros de prohibición para edificar á beira do mar. Lonxe quedan tamén as súas demandas en torno ás listas de espera ou acerca do funcionamento e dos servizos a prestar desde os hospitais comarcais. Que dicir da súa actitude cara á lei de dependencia e as súas queixas pola tramitación dos expedientes e a carencia de prazas en centros de día, residencias para os nosos maiores.
Ao respecto, segue a ser unha vergoña a actitude do goberno conservador á hora de manter pechada a residencia de maiores en Viveiro. Tamén ten mirado ben para outro lado e buscado mil escusas para non afrontar as obras do centro de día para tratamento de enfermos de alzheimer en Ribadeo. Ata desde o bispado lles tiveron que replicar que a Igrexa xa cedera a reitoral de Ove. Pero, erre que erre na súa cruzada na procura de “papeis”, desde o goberno Feijoo empéñanse en atopar probas de que algún trámite deixou sen facer o bipartito que lles imposibilita comezar con calquera obra, ou abrir instalacións xa rematadas, ou o que for con tal de desgobernar para demostrar que ruín foi o bipartito.
Un exemplo disto, que raia na esquizofrenia política, foi o protagonizado polo PP da Mariña lucense a raíz da visita de Elena Espinosa á comarca mariñán por mor das inundacións da pasada semana. Desde proclamas do tipo: “¿Quen é esa muller para vir en helicóptero, co caros que son?”, “¿Por que non veu en coche, coma os obreiros?” (Isto é de supoñer que se trata dunha influencia do pasado de Piqué ou Villalobos.) “E xa non sei para que veu, total nada fixo e para nada serve!”
Porén, o máis grave da zarapallada mediática organizada por Balseiro & Co. foi a manipulación chocalleira levada a cabo polo uso do heliporto do Hospital da Costa, en Burela. Apelando aos protocolos (internos) a seguir por parte do hospital para o seu uso, o PP da Mariña argallou un despotismo asoballante exercido pola ministra Espinosa coma se nunca tal se vira. Aznar á súa beira, un miñaxoias, oes! Ben fará Elena Espinosa en defender a súa actuación; a poder ser con feitos, con medidas sólidas ben dotadas orzamentariamente e aprobadas o máis axiña posíbel.
Agora ben: mirar cara a outro lado pensando que isto só lle afecta ao PSOE é absurdo. O PP utilizou este tema, xunto cun reparto de pasquíns informativos sen precedentes na zona, nomeadamente en Burela, procurando demostrar á xente o absurdo da manifestación do sábado 26 de xuño na defensa do Hospital da Costa. E iso compétenos a todos e todas. Cada un desde a súa óptica e co seu traballo. Pero é empresa común. Vémonos en Burela o 26.
Farruco GRAÑA
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
