MADRID .- O director xeral de Ordenación e Xestión dos Recursos Mariños da Consellería do Mar trasladoulle ao director xeral de Recursos Pesqueiros e Acuicultura do Ministerio de Medio Ambiente e Medio Rural e Mariño, a reivindicación do sector galego de aumentar o TAC (Total Admisible de Captura) da pescada de cara ao próximo ano ao entender que hai stock suficiente desta especie.
Nota de Prensa
A Consellería do Mar recolle as peticións do sector e solicítalle ao Goberno central un aumento do TAC da pescada
* O director xeral de Ordenación e Xestión dos Recursos Mariños, Pablo Fernández, mantivo unha xuntanza co director xeral de Recursos Pesqueiros e Acuicultura, Alejandro Polanco, para apoiar e defender as principais reivindicacións do sector galego de cara a xestión da pesquería da pescada sur para o 2011
Madrid, 14 de xullo de 2010.- O director xeral de Ordenación e Xestión dos Recursos Mariños, Pablo Fernández Asensio, trasladoulle ao director xeral de Recursos Pesqueiros e Acuicultura, Alejandro Polanco, a reivindicación do sector galego de aumentar o TAC (Total Admisible de Captura) da pescada de cara ao próximo ano ao entender que hai stock suficiente desta especie, sempre baixo a premisa de garantir unha explotación sostible do recurso.
O responsable autonómico de Ordenación e Xestión dos Recursos Mariños mantivo estes días varias xuntanzas cos representantes da Federación Galega de Confrarías e das Federacións Provinciais, por unha banda e coas asociacións, organizacións e cooperativas representantes do arrastre, por outra, para recoller as súas reivindicacións e poñer en común as principais demandas de cara á cota da pescada para o 2011 nas augas do Cantábrico Noroeste.
A Consellería do Mar, os representantes do arrastre e das artes fixas, e as federacións que representan ás artes menores, palangre de fondo e volanta, coinciden tamén en que o reparto das cotas debe establecerse baseándose nos datos comprendidos entre o período 2002 -2009, e non soamente cos datos comprendidos entre 2005 e 2009, dende que se iniciou o plan de recuperación. Fernández Asensio defendeu neste encontro o cálculo que pide o sector galego “porque eses datos son máis uniformes e, polo contrario os outros varían bastante e favorecen aos que sobrepescaron”.
Cabe lembrar que, segundo o establecido na orde aprobada polo Ministerio de Medio Ambiente e Medio Rural e Mariño, as flotas do arrastre e artes menores poden desembarcar semanalmente 100 quilos por buque, a da volanta 200 e a do palangre de fondo 150. Esta é unha limitación aplicable ata acadar o 100 % do TAC asignado pola UE a España.
O director xeral valorou positivamente a participación, por primeira vez e tal e como o solicitaran, das Comunidades Autónomas neste tipo de reunións para “poder defender os intereses da flota galega” e salientou a importancia de sentarse a traballar “todos xuntos” para elaborar o plan de xestión de 2011 “para evitar que se repita a situación deste ano”. Por último, Fernández Asensio confía en que o Goberno Central interceda ante a UE para aumentar un 15% a cota para 2011.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
