O VALADOURO .- A oficina municipal de información ao consumidor de O Valadoruo convocou o “IV Certame de Banda Deseñada OMIX Valadouro”, certame dotado cun premio único de 600 euros. O prazo de entrega de traballos remata o 30 de setembro
Nota de Prensa
IV Certame de Banda Deseñada OMIX Valadouro
IV Certame de Banda Deseñada OMIX Valadouro
prazo de entrega ata o 30 de setembro, premio único
de 600 €
PARTICIPANTES E TEMA
Poderán presentarse a este Certame calquera autor español ou
residente en España que teña máis de 18 anos no momento de
entregar o traballo. As obras versaran sobre temática libre
CONDICIÓNS XERAIS.
Cada autor/a pode presentar tres obras como máximo, que deberán
ser non premiadas con anterioridade.
Os textos poden ir en galego ou castelán
A técnica a empregar é libre. O formato pode ser unicamente en A3
ou en A4 con disposición vertical.
Os traballos deben ter catro páxinas como mínimo e dez como
máximo.
Alternativamente á presentación física, pódese enviar traballos de
cómic en formato dixital en arquivo jpeg coa tamaño A4 (2480×3508
px en resolución mínima de 200 ppp) Igualmente poden enviarse
tres obras sempre que conxunta ou individualmente enviadas non
supere o arquivo adxunto os 10 megas ao correo
bdvaladouro@gmail.com
PRESENTACIÓN, DOCUMENTACIÓN E PRAZO.
A presentación das obras no certame debe ir acompañada dun sobre
pechado onde irá a folla de solicitude que se titula Ficha BD . Este
Anexo pódese descargar en www.valadouro.org en documentación,
atopar nas oficinas municipais do Concello do Valadouro, por fax a
982 574 303 ou por correo ordinario a:
Nesta folla de solicitude irán os seguintes datos de identificación:
-Título/s da/s obra/s.
-Nome e apelidos do autor.
-Data de nacemento
-Enderezo, teléfono e e-mail(este dato opcional)
-Localidade.
Así como unha fotocopia do DNI ou pasaporte.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
