A MARIÑA .- A Consellería de Economía e Industria destinará 200 mil euros para “reparar os danos e perdas que como consecuencia das inundacións provocadas polo temporal durante os días 9 e 10 de xuño, se ocasionaron en establecementos comerciais e mercantís incluídos no ámbito competencial da Consellería de Economía e Industria e en infraestruturas enerxéticas de titularidade municipal”
Nota de Prensa
Economía e Industria destina 200.000 euros en axudas para paliar os danos ocasionados por ‘Doris’ na Mariña de Lugo
O DOG publica hoxe a orde pola que se regulan as axudas destinadas a contribuír, de xeito decidido e con todas as garantías procedimentais, a rexenerar e a reactivar a actividade comercial e demais actividades mercantís nas zonas afectadas polo temporal
Os cartos destinaranse a reparar os danos e perdas que como consecuencia das inundacións ocorridas durante os días 9 e 10 de xuño se ocasionaron en establecementos comerciais e mercantís incluídos no ámbito competencial da Consellería de Economía e Industria e en infraestruturas enerxéticas de titularidade municipal
A axuda poderá ser librada anticipadamente polo importe máximo do 50% da contía que se estableza na resolución tras a valoración das distintas solicitudes presentadas
Santiago, 27 de xullo de 2010.- O Diario Oficial de Galicia publica hoxe a orde que regula a concesión de axudas para danos nos establecementos comerciais e infraestruturas enerxéticas de titularidade municipal provocadas polo temporal ‘Doris’ na Mariña luguesa e concellos limítrofes.
A orde reflicte que se destinarán 200.000 euros, que poden ser ampliables, para reparar os danos e perdas que como consecuencia das inundacións provocadas polo temporal durante os días 9 e 10 de xuño se ocasionaron en establecementos comerciais e mercantís incluídos no ámbito competencial da Consellería de Economía e Industria e en infraestruturas enerxéticas de titularidade municipal.
A Consellería de Economía e Industria poderá conceder unha subvención por importe de ata o custo da reparación ou reposición dos danos ocasionados nas edificacións, instalacións, maquinaria e nas mercadorías neles depositadas, así como nos vehículos comerciais ou industriais afectos á actividade comercial, industrial ou mercantil, en función das dispoñibilidades orzamentarias e do número de solicitudes. Ademais, a axuda poderá ser librada anticipadamente polo importe máximo do 50% da contía que se estableza na resolución tras a valoración das distintas solicitudes presentadas
O procedemento que se articula na orde dá unha resposta inmediata á situación xerada polo temporal no ámbito do sector do comercio retallista e demais sectores mercantís, establecendo medidas urxentes para paliar as repercusións máis inmediatas producidas nos establecementos comerciais, e demais establecementos mercantís no ámbito territorial da Mariña Luguesa e concellos limítrofes. En definitiva, trátase de atender as necesidades dos colectivos afectados para contribuír, de xeito decidido e con todas as garantías procedimentais, a rexenerar e a reactivar a actividade comercial e demais actividades mercantís nas zonas afectadas polo temporal.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
