BURELA (FNC) .- O alcalde de Burela, Alfredo Llano, visitou hoxe a zona afectada polo incendio que se rexistraba hai 24 horas nunha nave da lonxa. O rexedor asegura que se está voltando pouco a pouco á normalidade e agradece o traballo realizado por todos os que participaron nas tarefas de extinción do lume.
Llano contou que “estivemos vendo a zona que resultou máis afectada polo incendio, foron tres almacéns dunha nave cos seus locais adxacentes. Están moi afectados e posiblemente teñan que renovalos totalmente, hoxe estáse limpando toda a zona e volvendo tranquilamente á normalidade. Estáse a retirar o peixe que se perdeu e dun xeito ou outro a lonxa está a traballar sen problemas, salvo esa zona afectada polo incendio”.
O rexedor sinalou que “os operarios que traballaban nese almacén poderán continuar facéndoo debido á solidaridade amosada polo resto de exportadores e armadores para que utilicen as súas instalacións e así continúen a desenvolver a súa actividade. É unha boa noticia que entre eles se axuden, que é como debe ser”.
O alcalde burelés agradeceu o traballo realizado por todos os que participaron nas tarefas de extinción do incendio, “estiven chamando aos responsables de Alcoa para darlles as gracias pola súa intervención de onte para axudaranos a pagar este lume, tamén falei con Astilleros Armón, as dúas partes foron fundamentais para evitar a propagación do incendio cara outras zonas. Queremos agradecer tamén o traballo realizado polos dous remolcadores que se atopaban no porto pola labor imprescindible que realizaron e tamén agradezo a solidaridade amosada polos Concellos de Viveiro, Xove, Cervo e Foz que aportaron o seu material e o seu persoal para extinguir o incendio. É moito de agradecer o traballo realizado”.
Alfredo Llano subliñou que “todos quedamos en manter unha xuntanza ou ben a vindeira semana ou a seguinte para intentar estudar o acontecido, aprender da experiencia de onte e para coordinar unha futura actuación deste tipo. Hai que poñer en marcha o parque de bombeiros na zona, é imprescindible contar con el, somos unha cidade lineal con máis de 110.000 habitantes, cifra que medra no verán, e eso require ter un bo servizo de bombeiros”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).