RIBADEO (FNC) .- O alcalde de Ribadeo, Fernando Suárez, avoga por unha maior coordinación entre as administracións para reparar os danos causados polas chuvias do pasado mes de xuño. O rexedor considera necesaria unha xuntanza para falar, acordar e facer cousas.
Suárez Barcia sinalou que “xa transcurriu máis dun mes das chuvias de xuño que anegaron o noso concello e eu, con respecto para todos os demáis, penso que o noso concello foi o máis afectado, onde tivemos grandes desperfectos en pontes, en camiños, en regatos que desbordaron e fixeron moito mal. Debo dicir que, si ben nun primeiro momento todas as administracións, Deputación, Xunta e Estado tiveron boas palabras de cara a axudar aos concellos afectados, co paso do tempo, algunha máis que outras tamén debo dicilo, están prestando a súa colaboración activa para ir tornando paseniñamente á normalidade”.
O alcalde apuntou que “mesmo onte estiven coa delegada territorial da Xunta vendo a limpeza de cauces do río Grande, que valoro positivamente, pero como alcalde de Ribadeo vexo que está a haber unha falla de coordinación importante entre todas as administracións. Non é que o Concello queira lavarse as mans e que sexan Deputación, Xunta e Ministerio os que teñan que facer todas as reparacións, pero é que moitas veces está pasando que ningunha das tres administracións, á marxe do Concello, nos poden dicir si van amañar este camiño ou non, si van amañar ese regato en maior ou menor grao ou non. O que pido e o que ofrezo é que teñamos unha coordinación máis grande, non sei si o lugar para celebrar a xuntanza debe ser o Concello de Ribadeo, a Subdelegación do Goberno en Lugo, na Delegación Territorial da Xunta en Lugo ou nun lugar neutro ou no tesón da ría, tanto me ten”.
A Fernando Suárez gustaríalle que “entre todos puidéramos poñer as cartas enriba da mesa e decidir que é o que pode facer a Xunta, que é o que pode facer a Deputación e que é o que pode facer o Estado e todo o que non poidan facer será cuestión do Concello. O tempo pasa e os veciños preguntan si este regato se vai amañar ou non, queren saber cando se vai amañar un camiño que se estropeou pola auga e canto vai tardar. Penso que os demáis Concellos estarán na mesma situación, valoro as actuacións que algunhas institucións, unhas máis que outras, nos están prestando, porque algunhas pouco máis que a foto viñeron facer, outras é normal que veñan facer a foto porque están a actuar no territorio”.
O alcalde de Ribadeo lembrou que “as chuvias e os desperfectos foron cuantiosos, exceden a capacidade de calquera administración local, creo que para mellorar o servizo si entre todos traballamos a unha as sinerxias derivadas de todo este traballo en conxunto, en coordinación serán moito mellores para os veciños. Eu estóulle dirixindo unha serie de misivas á Delegación do Goberno, á Xunta e á Deputación para xuntarnos, para falar e para acordar e o que non fagan eles teremos que facelo nós, pero debemos facelo canto antes e deixar a cuestión partidaria a un lado. Eso é o que a xente ve mal. As cousas débense amañar e despois que cada un venda o peixe como mellor poida, pero debemos xuntarnos, falar, acordar e facer cousas”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
