A MARIÑA .- As organizacións sindicais da Mesa Sectorial de Sanidade solicitan a retirada do decreto de xestión integrada de área e a negociación do Plan de Ordenación de Recursos Humanos. Piden que se dedique a estas negociacións o tempo necesario, ata conseguir que se acade un acordo cun amplo apoio social, na procura duns sistema sanitario público de calidade
Nota de Prensa
Fixeron entrega dun escrito dirixido á Directora Xeral de Recursos Humanos do Sergas
As organizacións sindicais da Mesa Sectorial de Sanidade solicitan a retirada do decreto de xestión integrada de área e a negociación do Plan de Ordenación de Recursos Humanos
Remitimos o escrito presentado na xuntanza da Mesa Sectorial celebrada o martes 27 de xullo.
A/A Dirección Xeral de RR.HH. do SERGAS
Santiago, 27/07/2010
As organizacións sindicais (OO.SS.) con representación na Mesa Sectorial de Sanidade puidemos comprobar, nas últimas xuntanzas da mesa, a existencia dunha inexplicable presa por parte da Administración para sacar adiante e atropeladamente, e aproveitando os días previos ás vacacións estivais, as bases de dous temas da maior transcendencia en materia de persoa e asistencial como son os de Xestión Integrada e o do Plan de Ordenación de Recursos Humanos do SERGAS.
Para as OO.SS. é sorprendente que noutros temas de bastante menor transcendencia, a administración sanitaria ten demorado a súa negociación e ten multiplicado as xuntanzas da Mesa Sectorial de Sanidade; e sen embargo, pretenda agora despachar a toda presa os Decretos de Xestión Integrado e do Plan de Ordenación de RR.HH., que teñen unha extraordinaria importancia para o futuro da sanidade pública galega e unha elevada repercusión laboral e social sobre o persoal do SERGAS.
Para todas as OO.SS. representadas na Mesa Sectorial de Sanidade, non é de recibo a dinámica que está impoñendo o SERGAS, en tan importantes temas; e non vale o argumento de que logo van desenvolvelos de xeito consensuado na mesa sectorial. Queremos que, no mes de setembro, se retomen estes temas sen condicionamentos e con todos os datos necesarios enriba da mesa: cadros e ratios de persoal, clara distribución e condicións dos medios dispoñibeis nos hospitais, nas actuais Direccións Provinciais, Centros de Saúde, PACs, etc.
Para poder abordar estes temas da maior importancia para o futuro da sanidade pública galega, as OO.SS. que asinamos este escrito SOLICITAMOS que se dedique a estas negociacións o tempo necesario, ata conseguir que se acade un acordo cun amplo apoio social, na procura duns sistema sanitario público de calidade.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
