Réndome e confeso.
Este é o meu último contributo a unha polémica iniciada por un cuco. ( O cuco, xa se sabe, pon o ovo en niño alleo e unha vez que o polo do cuco rompe a casca, guinda do niño aos seus irmáns adoptivos e faise o dono indiscutible do niñal. )
Réndome, porque non quero colaborar subministrando enerxía a un ventilador que espalla materia pestilente.
Réndome, tamén , porque son dos que penso que en política non todo vale.
E confeso.
Confeso que son un “agresor ao patrimonio histórico e cultural ”. Todo Viveiro o sabe. Nos anos do II Cesarato permitín, contra o criterio do Partido Popular, que se construíse un edificio na Praza de Santa María que alterou a escala e destragou o entorno. Calei coma un peto cando derrubaron a Casa dos Leóns. Entorpecín todo o que puiden a campaña dos nacionalistas para incorporar o fermoso Teatro Pastor Diaz ao patrimonio municipal. Aplaudín a desafortunada remodelación da Praza Maior. Intentei eliminar a árbore singular onda o Pazo da Misericordia, porque supuña limitacións para un novo edificio. Tamén concedín, na época do V Cesarato, a licenza de obra de Lodeiro, despois de ter malvendido o antigo Matadeiro Municipal…
Outrosí—e xa que o tal suxeito segue a porfiar co da Igrexa—digo: acúsome de intentar derrubar o templo parroquial ( de rito católico ) e tamén de ter impedido o culto na Igrexa Evanxélica de Filadelfia ( ambas as dúas, en Covas).
Mi madriña!, con todo este historial vou de cabeza para o cárcere e alí xa non poderei participar en ningunha asociación cultural. Amolareime e o tal B. , terá entón vía libre para entrar en “Fariseos por el Patrimonio”. Vaia carreirón!
Remato. El e os seus mentores, cesarajienses ou pradovillapolienses—por citar, co seu nome científico, só a dous especímenes da avifauna deste eucaliptal occidental—en comparanza co perigoso “agresor do patrimonio cultural” que subscribe, son uns benditos.
Si home si.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
