CERVO/XOVE .- O alcalde de Xove, Demetrio Salgueiro e o alcalde de Cervo, Alfonso Villares, anunciaron conxuntamente que as administracións locais ás que representan iniciaron neste mes de xullo unha liña de colaboración mutua co obxectivo de manter o nivel de servizos.
Nota de Prensa
Salgueiro e Villares abogan pola participación entre administracións como garantía para o futuro dos municipios
CERVO E XOVE COLABORAN ENTRE SI PARA MANTER O NIVEL DE SERVIZOS QUE PRESTAN AOS SEUS CIDADÁNS
* O Club de Natación de Xove disporá dunha parte das instalacións da piscina municipal de Lieiro mentres a súa permaneza pechada por mantemento
* Cervo utilizará a maquinaria de Xove para o adecentamento e adecuación dos areais do municipio
Cervo, 15 xullo de 2010.- Os alcalde de Xove e Cervo, Demetrio Salgueiro e Alfonso Villares respectivamente, anunciaron conxuntamente que ámbalas dúas administracións locais ás que representan iniciaron neste mes de xullo unha liña de colaboración mutua co obxectivo de manter o nivel de servizos que os dous concellos ofrecen aos seus respectivos cidadáns.
A colaboración entre os dous concellos consiste inicialmente na cesión por parte do Concello de Cervo do uso dunha parte das instalacións da piscina municipal de Lieiro ao Club Natación Xove xa dende este mes de xullo e durante o tempo que duren as tarefas de mantemento na instalación xovense. “É unha xestión que fixemos directamente dende o Concello e deste xeito o club non terá que verse obrigado a modificar a súa programación prevista, se non que trasladará a súa actividade habitual ás instalacións de Lieiro mentres non rematan os traballos de mantemento da nosa piscina” recalcou o primeiro edil xovense.
Como contraprestación á colaboración cervense o Concello de Xove cederá maquinaria da súa propiedade ao Concello de Cervo para levar adiante traballos de mantemento e mellora das praias e areais do término municipal. “Este tipo de axuda é fundamental para concellos pequenos coma o noso se queremos manter o nivel de coidados dos nosos areais para que veciños e visitantes podan gozar dunhas praias de calidade na época estival” recalcou Alfonso Villares.
Segundo indicaron os dous rexedores, a liña de axuda iniciada entre ámbolos dous Concellos non se quedará nesta colaboración puntual “se non que pretendemos que sexa unha relación fluída e longa na que os cidadáns dos dous municipios se podan beneficiar dos recursos e das infraestruturas dispoñibles nos dous concellos” indicaron.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
