Nota de Prensa
O GPPP asegura que a día de hoxe a Deputación non fixo o desbroce da rede viaria provincial
* González Barcia: “Besteiro castiga ós concellos que non lle entran polo aro”.
* Os populares piden que a Deputación axilice os traballos por cuestión de seguridade.
Venres, 20 de agosto de 2010: O GPPP asegurou que “a día de hoxe a Deputación bipartita ainda non fixo o correspondente desbroce da rede viaria provincial naqueles termos municipais nos que lle corresponde, e que son once en toda a provincia, porque os concellos correspondentes non asinaron o convenio proposto polo organismo provincial.”
Desde o GPPP pídenlle á Deputación que “axilice os traballos por elementais cuestións de seguridade, tanto no que se refire á propia seguridade vial de vehículos e transeúntes coma de cara a facer prevención contraincendios.”
O voceiro adxunto dos populares, José María González Barcia, afirmou que “só en tres deses once concellos comenzaron, pero non remataron, os traballos de desbroce da rede viaria provincial que lle corresponde á Deputación como titular da mesma. Nos restantes, nada de nada, a maleza prácticamente cruza as estradas provinciais, e mesmo algún concello tivo que facer os traballos con persoal propio, ante o máis ca evidente perigo que suponía a situación existente”.
Segundo Barcia, “esto demostra que a Deputación está a castigar deliberadamente ós concellos que non lle entraron polo aro de asinar o convenio de desbroce, ou que o bigoberno provincial é tan vago e carente de previsión que non se deu conta de que en once municipios era el precisamente o que tiña que facer tal desbroce”. O voceiro adxunto dos populares considera que “en calquera dos dous casos, ou coincidindo os dous xuntos, o que se demostra é una clara incapacidade para arranxar as cuestións do día a día, porque Besteiro está máis preocupado polas novas tecnoloxías e Bao está xa pensando en clave de concello”.
O deputado popular indicou tamén que “esta actuación é sectaria, porque discrimina ós concellos e pretende deixar en evidencia quenes asinan o convenio e quenes non; pero tamén é caciquil e clientelar, porque pretende que os concellos que non asinaron pasen polo aro, polas boas ou polas malas, atentando contra a autonomía municipal, principio básico no que se deben basear as relación entre a Deputación e os concellos”.
Barcia concluiu que o réxime da Deputación de Besteiro e Bao está máis próximo ó absolutismo ca unha práctica realmente democrática e de respecto institucional.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
