RIBADEO (FNC) .- Estes días dan comezo as obras de mellora da travesía urbana de Ribadeo. O alcalde asegura que os traballos inícianse polas zonas nas que hai menos afluencia de turistas e engade que despois das patronais continuarán polas avenidas de Galicia e Asturias.
Fernando Suárez explicou que “nestes días están comezando as obras de mellora da travesía urbana de Ribadeo desde a zona da Vilavella ata Vilar. Trátase dun investimento de 1.025.000 euros adxudicado polo pleno hai un tempo e que ata o de agora non puideron dar comezo debido a cuestións administrativas de contratos, fianzas, avales definitivos, etc. Agora no medio do verán debemos empezar as obras sen maior dilación porque unha parte importante deben estar xustificadas, certificadas a finais deste ano 2010, polo tanto é necesario inicialas de xeito inmediato”.
O rexedor manifestou que “somos conscientes de que as obras sempre provocan molestias e que na época estival poden afectar ao turismo, aínda que tamén sabemos que é un bó momento porque non chove e se pode avanzar ben. Pero vendo todo este fráxil equilibrio para que non se descontrole o que decidimos foi empezar por zonas onde a afluencia de turistas non é tan elevada como o treito comprendido entre O Xardín e Os Garitos ata o cuartel e despois das festas patronais empezaremos por Avenida de Galicia, rúa José Vicente Pérez Martínez, Avenida de Asturias, etc. Temos previsto ir facendo pequenos tramos para molestar o menos posible aos usuarios dos comercios, aos residentes…”.
Suárez Barcia pide comprensión “non podo prometer que non haberá molestias porque sí que as haberá e pido tamén que se pense que á volta dun tempo van quedar unhas obras bonitas de cara á fachada principal de Ribadeo. Advertir á poboación en xeral, os veciños de Ribadeo teñen experiencia de obras, saben que algunhas tardan máis ca outras, saben o dito de que para facer tortillas hai que romper ovos, pero o resultado final sempre acaba sendo moi positivo”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
