NOTA DE PRENSA
O GRUPO DE GOBERNO SOSPEITA DE QUE A DILACIÓN DA CESIÓN DOS LOCAIS DA CASA DO MAR SE DEBE A “UNHA MAN ESCURA SOCIALISTA”
o As concelleiras de Asuntos Sociais e Educación non descartan que o PSOE cervenses e provincial estea detrás do silencio da Tesourería Xeral da Seguridade Social á solicitude municipal de utilizar os espazos baleiros deste inmoble
o Armada e Pedreira urxen unha pronunciación “inmediata” dos titulares do edificio e lembran que este atraso condicionará o inicio do vindeiro curso do Punto de Atención Infantil
Cervo, 25 de agosto de 2010.- As concelleiras de Asuntos Sociais e Educación, Pilar Armada e Yolanda Pedreira respectivamente, dixeron hoxe non descartar a posibilidade de que os responsables socialistas en Cervo e na provincia estean detrás do “sospeitoso silencio” que mantén a Tesourería Xeral da Seguridade Social sobre a solicitude municipal de uso dos locais baleiros da Casa do Mar de San Ciprián para destinalos a usos municipais e veciñais.
“Resulta canto menos chocante que a día de hoxe -e dende que levamos pedindo formalmente estes locais- non teñamos recibido ningún tipo de contestación nin comunicación sobre a nosa solicitude de facernos cargo dos inmobles que ten este organismo estatal en desuso na casa do Mar para utilizalos en beneficio de toda a veciñanza” recalcaron as concelleiras populares.
As dúas representantes do grupo de Goberno cervense non descartan que detrás desta dilación dun pronunciamento por parte da Seguridade Social estea unha “man escura socialista”. “Non nos estrañaría porque se por algo se teñen caracterizado os socialistas nos últimos anos é polas súas argucias e artimañas para dificultar a labor e a xestión do Goberno local sen importarlles en absoluto o concello nin o ben común dos seus veciños. Así o estiveron facendo cando gobernaron na Xunta e o seguen facendo dende a Deputación e dende calquera organismo oficial que dependa do PSOE” aseguraron.
Para Armada e Pedreira este atraso no pronunciamento da Tesourería Xeral da Seguridade Social terá como principal repercusión o condicionamento do inicio escolar para os nenos e nenas do Punto de Atención á Infancia (PAI). “A estas alturas de ano é practicamente imposible poder acadar a nosa pretensión de situar nos baixos baleiros deste edificio o PAI, e iso a pesares de terlle formulado a nosa petición formal á Seguridade Social cunha antelación máis que prudente” sinalaron as edís populares. Neste sentido quixeron tranquilizar aos pais e nais dos nenos que fan uso deste servizo asegurando que o PAI estará en funcionamento o vindeiro mes.
“Paralelamente á espera dunha resposta, estamos tamén valorando as distintas alternativas que temos para iniciar o novo curso, pero o que está claro é que o Punto de Atención á Infancia vai estar en funcionamento o vindeiro mes, como é habitual, e no caso de recibir a resposta afirmativa da Seguridade Social á nosa petición poñeriámonos inmediatamente mans á obra para habilitar os locais e trasladar alí as novas instalacións deste servizo de atención infantil” adiantaron.
PAUS NA RODA
As voceiras do grupo de Goberno local lembraron unha vez máis que o seu obxectivo é racionalizar os espazos e inmobles públicos dispoñibles na Casa do Mar para que tódolos veciños do concello se podan beneficiar “dunhas dependencias que levan dous anos abandonadas sen que os seus titulares se preocupasen polo seu estado en todo este tempo”. Por iso, recomendáronlles aos socialistas “deixarse de andar poñendo paus na roda” e convidáronos a traballar en favor do conxunto dos cidadáns de Cervo “e non só nos seus intereses políticos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
