NOTA DE PRENSA:
O CONCELLO FAI UN CHAMAMENTO PARA O BO USO DOS BENS PÚBLICOS NAS XORNADAS FESTIVAS DA VINDEIRA FIN DE SEMANA
Responsables municipais reuníronse hoxe cos organizadores das festas do Ovo Frito, Maruxaina e as patronais de Cervo e Queimada para concretar o dispositivo que se porá en marcha co obxecto de mellorar a seguridade e as condutas cívicas dos participantes nestas festividades
Cervo, 12 de agosto de 2010.- O alcalde de Cervo, Alfonso Villares, e técnicos municipais reuníronse hoxe á unha do mediodía cos representantes das comisións organizadoras das festas do Ovo Frito, Maruxaina, Patronais de Cervo e Queimada para concretar o operativo especial que prestará servizo durante devanditas festividades.
Segundo lembrou o rexedor, a plantilla de traballadores municipais leva dende hai semanas traballando arreo cos organizadores das distintas actividades lúdico-festivas que se desenvolven no concello neste mes de agosto. “Levamos uns días sen apenas descanso. Comezamos coa celebración das noites de teatro de Cervo; despois, a Arroutada e a Festa do Turista de San Ciprián; logo a Festa da Malla en Rúa; e agora estamos a coordinarnos coas comisións de festas para afrontar unhas citas importantes coma son a Festa do Ovo Frito, A Maruxaina e as festas patronais de Cervo, ademais da Queimada Popular. Son eventos que congregan a moita xente e que necesitan dun dispositivo de seguridade e limpeza especial para poder garantir o bo desenvolvemento destas celebracións” recalcou Villares.
SEGURIDADE E LIMPEZA REFORZADAS
O rexedor sinalou que os asistentes á xuntanza coincidiron na necesidade de incidir no reforzo da seguridade das persoas para que as festas transcorran con normalidade. Neste sentido adiantou que, a maiores dos efectivos habituais despregados nestes eventos pola Policía Local e a Garda Civil, este ano como novidade tamén se contará co reforzo de efectivos da Policía Autonómica.
No que atinxe á limpeza urbana o Concello ten establecido unha serie de medidas, xa habituais, como son a colocación dun considerable número de colectores distribuídos por diversos puntos das festas e varios traballadores da brigada de limpeza municipal teñen previsto desenvolver as súas tarefas dende primeiras horas da mañá do día seguinte a cada unha destas celebracións para recuperar o aspecto das rúas no menor tempo posible.
COLABORACIÓN E RECOMENDACIÓNS
Villares pediu a colaboración de tódalas persoas que van a estar de festa e convivindo nestas xornadas nas distintas celebracións esixindo o máximo respecto e coidado con todo o material e mobiliario urbano, tanto público coma privado. “En definitiva que sexan unhas festas cívicas, agradables, nas que no se produzan ningún tipo de desperfectos” incidiu o mandatario local.
Entre as recomendacións dadas polos responsables municipais figura que non se sirvan bebidas en vasos ou botellas de cristal para evitar cortes e outros danos en persoas e vehículos; que se faga uso dos colectores de lixo instalados para estas celebracións evitando depositar os residuos na rúa ou noutros espazos non habilitados ao efecto; que se utilicen os baños públicos e que se respecte en todo o momento o mobiliario urbano, vehículos, vivendas e outros espazos públicos ou privados.
Tamén se solicita aos condutores que respecten a sinalización e as indicacións dos axentes da Policía Municipal, Garda Civil e Urxencias; que non estacionen en zonas valadas ou de acceso restrinxido para evitar atascos; e que procuren evitar acceder con vehículo aos lugares das celebracións e opten por utilizar as zonas de aparcamento habilitadas.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
