NOTA DE PRENSA:
EXPOSICIÓN DE PINTURA, CONCERTOS MUSICAIS, A FESTA DO PERCEBE E AS FESTAS DE SAN ROQUE, SON ALGUNHAS DAS PROPOSTAS CULTURAIS PARA ESTA FIN DE SEMANA EN RIBADEO.
Ribadeo, 12 de agosto de 2010. Intensa oferta cultural esta fin de semana en Ribadeo con exposición de pintura, concertos musicais, a festa do percebe e as festas de San Roque.
A concelleira de Cultura, Mariluz Álvarez Lastra, manifestou que “continuando coa axenda cultural deste verán temos unha fin de semana bastante intensa de novo. Escomenzamos mañá venres 13 ás oito e media da tarde coa inauguración da exposición de pintoras afeccionadas ribadenses que estará aberta ata o día 22 de agosto no forte de San Damián en horario de 11:30 a 13:30 e de 18 a 20:30 horas. Quero convidar a todas as persoas que o desexen a que asistan á inauguración prevista para mañá”.
A edil nacionalista explicou que “tamén o venres ás 23 horas no Cantón dos Moreno haberá unha noite folk coa actuación dos grupos Cádaba de La Caridad e Cahornega de Cantabria. Máis música o sábado pola noite no Cantón co concerto do XX aniversario do grupo ribadense Mallory, que xa presentamos esta semana. Ademáis o sábado 14 de agosto celébrase durante todo o día en Rinlo a festa do percebe”.
Álvarez Lastra engadiu que “logo están as festas de San Roque, o luns 16 ao final da tarde, ás 20 horas, haberá a presentación dun libro sobre os cocos ribadenses na oficina de turismo escrito por persoas de Ribadeo. Temos polo tanto unha axenda moi completa e convidamos a todos os veciños e a todas as persoas que nos visitan estes días a que acudan a disfrutar de todas estas actividades”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
