Nota de prensa:
A Deputación facilita o acceso á e-administración cun curso sobre DNI electrónico pioneiro en Galicia
– A iniciativa, incluída no programa Innova-TE, dispón de 374 prazas e está dirixida a traballadores da Deputación e dos Concellos, a PEMES, colexios oficiais e cidadáns en xeral
– A formación está avalada polo Ministerio de Industria e terá un custe 0 para os participantes, “polo que a Deputación faise cargo dos custes que supón impartir unha formación destas características, aforrándolle cartos ós beneficiarios”
– A inscrición pode realizarse dende hoxe ata o 20 de setembro, enviando un formulario ó email innovate@deputacionlugo.org ou chamando ó 982 2600 77
– A Xunta de Goberno aprobou o convenio para a ampliación da Ponte de Nois, en Foz, na que Deputación e FEVE invisten 110.000 euros
O voceiro provincial socialista, Antonio Gato Soengas, anunciou este venres que o día 22 de setembro arranca o programa formativo do Innova-TE, destinado a favorecer e facilitar o acceso á eadministración, cun curso pioneiro en Galicia sobre a utilización, a seguridade e os beneficios que ofrece o DNI electrónico á hora de relacionarse telematicamente coa administración.
Neste senso, Gato Soengas explicou que “ademais de poder realizar 120 trámites coa administración, a formación era outro dos obxectivos do programa tecnolóxico que garante a implantación da administración electrónica nos Concellos que voluntariamente se adheriron ó programa en menos dun ano, ó tempo que aforra tempo e cartos ós veciños e crea novos postos de traballo coa incorporación de persoal cualificado”.
Está dirixido a traballadores da Deputación e dos Concellos, a PEMES, a colexios oficiais e a cidadáns en xeral. Ademais, terá un custe 0 para os beneficiarios, “é dicir, a Deputación faise cargo dos custes que supón impartir unha formación destas características, aforrándolle cartos ós beneficiarios”.
O Innova-TE, co-financiado nun 70% por fondos FEDER e dotado con 9 millóns de euros, supón un avance sin precedentes na provincia e converte á Deputación de Lugo na primeira administración en traballar en rede cos Concellos.
Formación avalada polo Ministerio de Industria
Trátase da primeira acción formativa que imparte a Deputación dentro do programa Innova-TE. Será impartida pola empresa INTECO-CERT, dependente do Ministerio de Industria, de tal xeito que ó remate da mesma os participantes recibirán un diploma oficial por parte do departamento estatal, ademais dun lector de DNI electrónico. “Será unha formación completa e prestixiosa, xa que o propio Ministerio avala a calidade dos cursos. Quero animar á xente a que se apunte porque o futuro desta provinicia pasa polo cemento pola sociedade da información e as novas tecnoloxías”.
O curso celebrarse no Salón de Actos e inclúe ademais formación sobre a sinatura electrónica e os certificados dixitais. Dispón de 374 prazas, que se reparten do seguinte xeito: 187 para a quenda de mañá en horario de 11:00 a 14:00 horas e, 187 para a da tarde, que se impartirá de 16:00 a 18:30 horas. A inscrición pode realizarse dende hoxe ata o 20 de setembro. Os interesados deberán cubrir un formulario que poderán descargar na páxina web da Deputación e reenvialo ó enderezo electrónico innovate@deputacionlugo.org ou ben poñéndose en contacto co servizo encargado da organización no número de teléfono 982 2600 77. As prazas asígnanse por orde de chegada da inscrición.
Convenio para a ampliación da Ponta Cabana, en Foz
Na Xunta de Goberno ratificouse o convenio de colaboración asinado entre a Deputación, FEVE e o Concello de Foz, para a ampliación da Ponte Cabana situada na parroquia de Nois. “Deste xeito, Gómez Besteiro cumpre coa súa palabra cando realizou este anuncio nunha visita realizada a esta localidade no mes de agosto, que implica que as tres administracións se fan cargo destes traballos de forma conxunta”.
A Ponte Cabana é un paso superior sobre a línea do ferrocarril moi estreito facendo imposible a circulación de dous vehículos e poñendo en perigo os viandantes. O documento subscrito establece que a corporación municipal redactará o proxecto, aportará os terreos e executará as obras de ampliación, mentras que a Deputación e FEVE encargaranse do financiamento da obra, que ten un investimento de 110.000 euros. Concretamente, o organismo provincial achega 50.000 euros e a entidade dependente de Fomento 60.000, polo que o Goberno Central e o organismo provincial aforran este custe ó Concello.
Esta actuación enmárcase dentro da aposta da Deputación pola máxima cooperación cos Concellos. Asimesmo, engádese ás obras de mellora de máis de 2,2 quilómetros da estrada que une Casa Pequenete e Espiñeira nas que o organismo provincial inviste 500.000 euros dentro do Plan Extraordinario de Obra Pública dotado de 60 millóns de euros. “Trátase dun proxecto que a anterior corporación provincial deixou licitado e contratado pero que non executou porque non expropiaron os terreos. A Deputación retomou, modificou e ampliou esta iniciativa pasando dos 400 metros que anteriormente se prevían mellorar á totalidade da vía tal e como reclaman os veciños da zona”, sinalou Gato Soengas.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
