Nota de prensa:
RAQUEL ARIAS ANUNCIA QUE A XUNTA FINANCIARÁ CON PRETO DE 1,1 MILLÓNS DE EUROS O DRAGADO DO ENCORO DE LOURENZÁ
* A delegada territorial visitou o espazo, no que a Consellería de Medio Ambiente, Territorio e Infraestruturas prevé realizar uns traballos de reforma e adaptación para mellorar o abastecemento de auga do municipio
* O acordo para levar a cabo o proxecto previsto será “aprobado e formalizado de inmediato” polo Consello da Xunta, segundo expresou a representante do Goberno autonómico
Lourenzá, 30 de setembro de 2010.- A Consellería de Medio Ambiente, Territorio e Infraestruturas deu o visto bo á sinatura dun convenio coa Empresa Pública de Obras e Servizos Hidráulicos e o Concello de Lourenzá para a execución das obras de limpeza e dragado do encoro do río Baos, situado á altura do municipio lucense.
A delegada territorial da Xunta, Raquel Arias, anunciou hoxe que a Xunta “formalizará de inmediato” o acordo para financiar o proxecto. Comunicou que está previsto “que nos próximos días o Consello da Xunta autorice a sinatura do acordo e que a finais de outubro poida procederse á licitación dunhas actuacións, que suporán un investimento de 1.068.622,10 euros”.
A delegada, que visitou a zona acompañada polo alcalde de Lourenzá, Vidal Martínez-Sierra, explicou que os traballos consisten basicamente no dragado do encoro, que mide algo menos de 0,5 hectáreas de extensión, ten unha presa duns 7 metros de altura, e abastece basicamente a este concello mariñao.
“Este proxecto –subliñou- mellorará claramente o abastecemento ao concello de Lourenzá, dado que na actualidade a acumulación de lodos impide a utilización óptima de todas as tomas de captación”. En todo caso, Arias destacou que, aínda que os residuos estorban o normal funcionamento do sistema, non son perigosos.
Así mesmo, a delegada confirmou que o abastecemento de auga mentres duren os traballos estará garantido mediante a construción dunha captación provisional.
O material extraído será tratado nunha planta móbil que se situará ao pé do encoro, na que se realizará o filtrado, deshidratación e prensado dos lodos. Por último, os residuos enviaranse a unha xestora autorizada que se fará cargo da súa reciclaxe ou eliminación, segundo proceda en cada caso.
A duración estimada dos traballos de dragado, que o informe técnico recomenda efectuar nos meses de verán, é aproximadamente de catro meses, durante os cales se garantirá a subministración de auga aos veciños mediante a citada captación provisional emprazada na cola de encoro
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
