Nota de Prensa
TÓDOLOS ASISTENTES ESTÁN INVITADOS A UNHA CONSUMICIÓN E A COÑECER DE CERCA AS SÚAS MODERNAS INSTALACIÓNS
O HOTEL NORDÉS ABRE AS SÚAS PORTAS MIRANDO AO MAR CANTÁBRICO
Este sábado 25 de setembro, a partir das 8 da tarde, abre as súas portas o novo Hotel Nordés en Burela, ampliando así unha oferta hoteleira cada vez máis completa na comarca.
O Hotel Nordés está dotado de todos os servizos necesarios para converterse no gran hotel de referencia en Burela, con capacidade para máis de 100 hóspedes, salóns para acoller todo tipo de eventos, un moderno e amplo restaurante cunha carta innovadora, e sobre todo unhas espectaculares vistas á praia de Portelo e ao mar Cantábrico.
O Hotel Nordés conta con 42 habitacións e 5 suites que combinan confort e un deseño coidado. Espazos únicos que buscan que cada visitante se sinta como na súa propia casa en todo momento: baño completo, teléfono, televisión, minibar, caixa forte e calefacción. O hotel dispón dunha ampla terraza con vistas á praia de Portelo e ao mar Cantábrico, salón de televisión, bar-cafetería, restaurante á carta, internet wifi gratuíto, salóns para eventos, garaxe privado…
O Hotel conta tamén cunhas magníficas instalacións para acoller conferencias, reunións de empresa e todo tipo de celebracións sociais, banquetes, vodas, comuñóns, bautizos… Para iso conta con tres amplos salóns modulares.
Desde esta fin de semana Burela conta xa cun novo hotel que mira ao mar Cantábrico como un gran balcón sobre a praia.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
