Nota de Prensa
O PP da Mariña presente na celebración da Romería Popular de Silleda
O PP da Mariña presente na celebración da Romería Popular de Silleda un gran acto municipalista no que se espera contar con 12.000 persoas procedentes de todas as vilas galegas
Xa o pasado ano, polas mesmas datas, o PPdeG estreou curso político cunha gran festa para celebrar a victoria histórica nas eleccións autonómicas e homenaxear aos heroes do cambio, que colaboraron para que o bipartito non chegara a rematar sequera a súa primeira lexislatura. Nesta ocasión, os homenaxeados van ser os heróes que serán, en alusión ás vindeiras eleccións municipais.
O do sábado será un potente acto no que mobilizarán a boa parte da infantería do PPdeG, en total, preto de 12.000 persoas, entre militantes e simpatizantes. Será, por tanto, unha romaría mitin na que os populares amosarán a solidez das súas bases, a motivación dos seus militantes, simpatizantes e afiliados, e as ganas coas que agardan xa a chegada do 22 de maio de 2011.
O obxetivo do PPdeG para as eleccións municipais será estender aos 315 concellos a forma de facer política que desenvolve na Xunta e no que terán que estrear a segunda fase do cambio, a do cambio nas cidades e en dúas das deputacións.
ACTO MUNICIPALISTA
No que atinxe ao acto en si mesmo, contará con elementos visuais e de posta en escea distintos aos do pasado ano e aos de calquera outro mitin que organizasen ata a data.
Así mesmo, o deste ano terá un gran compoñente municipalista no que Feijóo compartirá esceario con boa parte dos cabeza de cartel populares, que o rodearán en semicírculo mentres interven. Será, por tanto, unha clara metáfora: os populares presentan a 315 feijóos, fronte aos que presentan a 315 zapateros.
LEMAS
O lema da campaña das autonómicas do ano pasado era ‘Empezamos’, o deste ano será ‘Seguimos’, posto que xa se fixeron cousas e quedan máis por facer. Por iso, tratarán de amosar dinamismo e continuidade no traballo asociado á figura de Feijóo, que é quen pechará o acto, e farán partícipes tamén desa nova forma de facer política aos que o rodearán no escenario, os candidatos.
Así mesmo, haberá outro lema que acompañará ao mapa de Galicia, que será ‘315 ilusións’, que son as que representan as 315 agrupacións locais do PPdeG e os 315 candidatos que presentamos a estas eleccións. 315 realidades, 315 propostas electorais reunidas en torno a 315 candidatos, e un único proxecto: o do Partido Popular de Galicia.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
