Nota de Prensa
Unha vez máis os socialistas manipulan a realidade e falsean as datos para enganar aos veciños da Mariña en materia de sanidade.
BALSEIRO LEMBRA A REGO QUE HOXE O HOSPITAL DA COSTA DISPÓN DUN ORZAMENTO MAIOR QUE EN 2009 E QUE A PARTIDA DE OBRAS CONSIGNADA EN 2010 DUPLICA A PREVISTA POLO BIPARTITO
* O deputado socialista minte:
o O Goberno do Partido Popular destina para este centro hospitalario 38.1 millóns de euros unha cantidade superior á prevista polo bipartito en 2009: 37,8 millóns.
o A contía consignada pola Xunta popular para obras no Hopsital da Costa -máis dun millón de euros- é o dobre da prevista polo bipartito -671.000 euros-
* A Xunta popular dota tamén ao hospital da melloras tecnolóxicas e novas ferramentas de traballo, como son tres novos ecógrafos para os servizos de cardioloxía, xinecoloxía e radioloxía valorados en 169.000 euros.
A Mariña, 2 de setembro de 2010.- Os socialistas veñen incorrendo nos últimos tempos en informacións gravemente manipuladas ou directamente falsas en relación cos compromisos da Xunta co Hospital da Costa e hoxe, unha vez máis, asistimos a un episodio de evidente distorsión da realidade por parte do deputado Ismael Rego, probablemente nun intento desesperado por confundir de novo á cidadanía da comarca, despois do fracaso das mobilizacións promovidas polas antigas forzas do bipartito e colectivos afíns.
O parlamentario do PSOE chega a afirmar que neste momento o orzamento do Hospital da Costa é menor que cando gobernaba o bipartito e fala incluso de que o Goberno de Feijoo “non consignou nin un só euro a maiores nos orzamentos de 2010” para desenvolver obras no centro hospitalario. Ambas informacións son totalmente falsas, pois tal e como demostra o deputado popular Jose Manuel Balseiro remitíndose a datos oficiais, “non só o Hospital da Costa dispón dun orzamento maior que en 2009 –últimas contas elaboradas polo bipartito- senón que ademais a partida para obras duplica á prevista polos orzamentos de PSOE e BNG”
MÁIS ORZAMENTO PARA O HOSPITAL
Mentres que no 2009 o Hospital da Costa dispoñía dun orzamento de 37.8 millóns de euros, un ano despois, o Goberno do Partido Popular destina para este centro hospitalario 38.1 millóns de euros, unha cantidade superior, incluso a pesar de que as contas autonómicas no seu cómputo global descenden preto dun 1%. O PP achega para demostrar esta cifra as táboas oficiais contidas nos orzamentos da Xunta para ambas anualidades.
O PP INVISTE O DOBRE QUE O BIPARTITO EN OBRAS
A segunda das falsidades nas que incorre Ismael Rego é negar o incremento na partida para obras e outras actuacións, cantidade que se duplica co Goberno do PPdeG xa que pasa de 671.006 euros en 2009 a máis dun millón de euros en 2010. (1.028.156 euros concretamente).
Precisamente grazas a esta previsión orzamentaria hoxe o Executivo que lidera Alberto Núñez Feijoo pode desenvolver diversas actuacións comprometidas polo bipartito pero que a Xunta anterior nunca tivo vontade de executar, como son a obra de reforma da área de maternidade do Hospital (neste momento en execución) ou a inminente de reforma da cuberta, rampla de acceso, e ampliación dos espazos de farmacia, arquivo e sala de espera.
Como unha mostra máis da falta de compromiso e desidia do bipartito con respecto ao sistema público de saúde, os populares lembran que a Consellería de Sanidade cando estaba xestionada polo PSOE non tivo máis remedio que recoñecer, nunha resposta oficial por escrita a Balseiro, que non executaba as partidas orzamentarias que executaba en favor do noso Hospital. De feito tanto en 2007 como en 2008 o grado de execución da partida orzamentaria para obras neste centro foi do 0%, nin un só euro investiu, pese a telo consignado e previsto.
DAS PALABRAS AOS FEITOS
Pola contra, o Goberno de Galicia, co PPdeG pasa das palabras aos feitos, desenvolvendo obras e dotando ao Hospital da Costa de melloras tecnolóxicas como acontecerá coa inminente posta en marcha dos novos ecógrafos, que contribuirán a prestar un mellor servizo aos doentes e usuarios do hospital. A Xunta popular preocúpase así tamén de procurar ferramentas de traballo eficaces e efectivas para os profesionais e instrumentos que mellorarán a diagnose. Os ecógrafos para xinecoloxía, cardioloxía e para o servizo de radioloxía (este último chegará en outubro) superan un investimento de 169.000 euros.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
