NOTA DE PRENSA:
O contrato de redacción do proxecto de trazado, adxudicado en abril de 2007, establecía a necesidade dun enlace intermedio no treito Landrove-Celeiro
Medio Ambiente asegura que o enlace centro de Viveiro converte á Variante de Viveiro nunha verdadeira circunvalación que mellorará as conexións do núcleo urbano
A solución escollida é a única viable e non suporá facer modificado algún no trazado, simplemente, trátase dun axuste para adecuar o deseño as necesidades de conexión da circunvalación ao núcleo de Viveiro
A Consellería de Medio Ambiente considera que mellorará a mobilidade dos habitantes de Viveiro e dos da toda a comarca, así como a accesibilidade do núcleo urbano e potenciará o desenvolvemento económico
O departamento autonómico asegura que este vial mellorará notablemente a calidade de vida destes núcleos urbanos, xa que diminuiría a contaminación acústica e atmosférica, entre outras cuestións
Tal e como se intenta facer en todos os proxectos de infraestruturas, a Consellería tratará de diminuír os impactos e atenuar as afeccións que o novo deseño poida producir
Santiago, 9 de setembro de 2010.- A Consellería de Medio Ambiente, Territorio e Infraestruturas asegura que o enlace centro de Viveiro converte á Variante de Viveiro nunha verdadeira circunvalación que mellorará notablemente as conexións do núcleo urbano e do resto da comarca. O departamento que dirixe Agustín Hernández reitera que non se está a elaborar un novo trazado, senón un axuste do existente, que deseñou no seu momento o Goberno bipartito.
Tal e como se intenta facer en todos os proxectos de infraestruturas, a Consellería tratará de diminuír os impactos e atenuar as afeccións que o novo deseño poida producir.
Este axuste ven definido continuando as directrices do Executivo anterior para executar o enlace interior en Variante de Viveiro, co fin de lograr que sexa unha auténtica circunvalación desta localidade lucense. Por elo, ao non estar traballando un novo trazado non é necesario un estudo comparativo e sinálase que o proxecto ten estudo de impacto ambiental.
Así mesmo, no contrato de redacción do proxecto de trazado establecíase que no mesmo se ía incluír un novo enlace intermedio no treito Landrove-Celeiro e conexión co núcleo de Viveiro. Este contrato foi adxudicado en data 25 de abril de 2007.
Decisión beneficiosa
Esta decisión xustifícase pola necesidade de captar tráfico para a VAP da Costa Norte e, polo tanto, rentabilizarase socialmente o investimento que implica esta nova e complicada infraestrutura. Así mesmo, este subtreito de Celeiro-Landrove (Viveiro Sur) ten que funcionar como unha auténtica variante, desconxestionando de tráfico as travesías de Viveiro e Celeiro, que sofren importantes retencións, sobre todo, na época estival; o que sen dúbida mellorará notablemente a calidade de vida destes núcleos urbanos, xa que diminuiría a contaminación acústica e atmosférica, entre outras cuestións.
Por outra banda, suporá a mellora da mobilidade dos máis de 28.000 habitantes de Viveiro e a súa comarca, así como, a accesibilidade do núcleo urbano, potenciando o seu desenvolvemento económico. Neste momento, as dúas estradas que verán reducido o seu nivel de tráfico, é dicir, a LU-540 e a LU-862, soportan un total de case 20.000 vehículos ao día, polo que a construción deste vial suporá unha importante redución de paso de vehículos por ditas estradas e polo centro da localidade lucense de Viveiro, o que significa unha mellora da seguridade vial nesta zona.
A solución escollida é a única viable e non suporá facer modificado algún no trazado, simplemente, trátase dun axuste para adecuar o deseño as necesidades de conexión da circunvalación ao núcleo de Viveiro.
Así mesmo, levase a cabo unha mellora ambiental importante, xa que se reducen un millón de metros cúbicos de escavación e 800.000 m3 de sobrantes a vertedoiro que se eliminan.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
