NOTA DE PRENSA
Basta con demostrar unha simple “previsión de perdas ou diminución persistente de ingresos” para que se poda despedir a un traballador
O GRUPO DE GOBERNO DE CERVO ALERTA QUE A REFORMA LABORAL PROMOVIDA POLOS SOCIALISTAS “É LETAL” PARA OS INTERESES DOS TRABALLADORES DE EMPRESAS EN CRISE COMO SARGADELOS
*
O grupo municipal do PP espera que o acordo unánime da Corporación rexeitando o ERE sirva para que a empresa reconsidere os despedimentos e lembra que a aprobación definitiva do mesmo é un procedemento regrado baseado nunha decisión técnica e non política.
Cervo, 18 de setembro de 2010.- O grupo de Goberno do Concello de Cervo vén de alertar que a reforma laboral promovida polos socialistas “é letal” para os intereses dos traballadores de empresas en crise como Sargadelos. Á dirección bástalle con demostrar unha simple “previsión de perdas ou diminución progresiva de ingresos” para que se poida despedir a un traballador. Lamenta neste sentido a actitude cínica do PSOE que por un lado di estar a favor dos traballadores e polo outro abre a porta ao “auténtico despido libre”.
Os populares esperan que o acordo unánime da Corporación municipal aprobado no día de onte e polo que se rexeita o Expediente de Regulación de Emprego (ERE) sirva para deixar claro a oposición do Concello de Cervo ante os despedimentos. De calquera xeito lembra que a aprobación definitiva do mesmo é un procedemento regrado por un Real Decreto do Goberno central, e basease nunha decisión técnica e non política. De feito o Ministerio de Traballo a través da inspección laboral debe informar a procedencia ou non do ERE antes de que a Xunta adopte ningún tipo de decisión.
Os membros do grupo municipal de Goberno insisten tamén en que a empresa debe solicitar todo tipo de axudas para garantir a súa viabilidade tanto diante dos organismos de apoio que dispón o Goberno galego (IGAPE) como o Goberno central (ICO). Malia todo lamentan que a decisión final dependa dos bancos, moi reacios a outorgar liñas de crédito, consecuencia da desconfianza e da feble situación financeira das entidades bancarias despois dunha mala e tardía xestión da crise por parte do Goberno central.
Finalmente, insisten en que si finalmente non é posible evitar os despedimentos, os traballadores poidan acollerse ás liñas de axuda establecidas na lexislación vixente. Precisamente esta cuestión foi introducida polo PP a través dunha emenda ao punto do acordo debatido no pleno. Os membros do equipo de Goberno insisten en que si existe vontade política o Goberno central -organismo competente en materia de Seguridade Social- ten na súa man habilitar liñas de axuda para os traballadores afectados polo ERE maiores de 55 anos.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
